یاریگا –
یانەکان و فیدراسیۆنی تۆپی پێی ئیسپانیا دەیانەوێت ریال مەدرید سزا بدەن، بڕوایان وایە یانە مەدریدییەکە هەوڵ دەدات فشار لەسەر ناوبژیوانان دروست بکات.
تۆڕی وەرزشی ریلیڤۆی ئیسپانی ئاشکرایکردووە، زۆربەی یانەکانی لالیگا و کۆمەڵەی لالیگا و فیدراسیۆنی تۆپی پێی ئیسپانیا دەیانەوێت سزای ریال مەدرید بدرێت، بڕوایان وایە ریال مەدرید بەردەوام ناوبژیوانان تۆمەتبار دەکات و لە بڕیارەکانیان ناڕازییە، لە رێگای میدیاکانیشەوە فشار لەسەر ناوبژیوانان دروست دەکات.
#NoticiaRelevo 🗞️ El fútbol español pide sanciones para el Real Madrid.
▪️ Los clubes, LaLiga y la RFEF se unen en contra del equipo blanco por las acusaciones y presiones a los árbitros.@sergiofernan5ez 🤝 @JorgeCPicon https://t.co/FyNvVDrj4S
— Relevo (@relevo) February 6, 2025
خۆرخێ پیکۆن رۆژنامەنووسی ئیسپانی و پەیامنێری ریلیڤۆ رایگەیاندووە، زۆربەی خێزانی تۆپی پێی ئیسپانیا لەدژی ریال مەدرید یەکیان گرتووە و دەیانەوێت شایانەکان سزا بدرێن، کە ئەم هەفتەیە بەیاننامەیەکیان لەدژی ناوبژیوانی یارییەکەی ئیسپانیۆل بڵاوکردەوە و رەخنەیان لە بڕیارەکانی ناوبژیوانانی لالیگا گرت.
ریال مەدرید بەردەوام لە رێگای کەناڵی فەرمی یانەکەی پێش یارییەکان و دوای یارییەکان قسە لەبارەی بڕیارەکانی ناوبژیوانانی یارییەکانی دەکات، هەندێکجار کەناڵی فەرمی ریال مەدرید هێرش دەکاتە سەر بەشێک لە ناوبژیوانانی لالیگا.
