یاریگا –
ئاستی نیگەرانییەکانی پێپ گواردیۆلا سەبارەت بە پێکانی زۆر لە ریزەکانی یانەکەیدا لەوەش زیاتربووە کە خودی خۆی چەندجارێک لە مێدیاکانەوە باسی لێوەدەکرد.
پێکانی رۆدری لە 25ی مانگی سێپتەمبەری ساڵی رابردوو لە یارییەکەیان بەرامبەر ئارسیناڵ نەهامەتیکەی ئەوتۆ بوو کە دواتر لە ئەنجامە کارەساتبارەکانی مان سیتیدا دەرکەوت. بەوەی لە نیوەی یەکەمی پرێمەرلیگ لە کێبڕکێی نازناوەکە دوورکەوتنەوە و لە چامپیۆنزلیگیش بە ئەستەم توانیان لە پاشکۆ بمێننەوە.
لە نوێترین لێدوانیدا کە مێدیا ئینگلیزیەکان بڵاویانکردووەتەوە، پێپ بۆ پڕکردنەوەی ئەو بۆشاییە تەنانەت پەنای بردبووەبەر گواستنەوەی سێرجیۆ بوسکێتس کە سەروەختی ماوەی زێڕینی بارسێلۆنا پێکەوە وەک راهێنەر و یاریزان کاریانکردووە.
وەک خودی راهێنەرە ئیسپانییەکە دانی پێداناوە، هەوڵیداوە بۆ ماوەیەکی کورتخایەنیش بێت بوسکێتس بباتە مان سیتی، بەڵام یاریزانە 36 ساڵانەکە ئۆفەرەکەی رەتکردووەتەوە.
سەرچاوە ئینگلیزیەکان هۆکاری بۆ ئەوە دەگەڕێننەوە کە ناوەڕاستکارە ئیسپانییەکە سەرگەرمی خۆئامادەکردنە بۆ دووەم وەرز لەگەڵ ئینتەر مەیامی لەگەڵ لیۆنێل مێسی و هاوتیمەکانی پێشووی لە یانەی بارسێلۆنا.
🚨 Pep Guardiola attempted to sign Sergio Busquets on a short-term basis but the 36-year-old rejected the offer from Man City.
(Source: Express) pic.twitter.com/XHGknMqE7P
— Transfer News Live (@DeadlineDayLive) February 4, 2025
سیتی لە نێو ئەو چوار گرێبەستەی کە لە مێرکاتۆی زستانەدا ئەنجامی دا، لە کۆتا ساتەکانی بازاڕەکەدا بۆ ئەو پێگەی ناوەڕاست توانی نیکۆ گۆنزالێس لە یانەی پۆرتۆوە بگوازێتەوە بۆ یاریگای ئیتیحاد.
نیکۆ گۆنزالێز کێیە؟ ئەو زانیارییانەی پێویستیە لەسەر گرێبەستە نوێیەکەی مانچێستەر سیتی بیزانیت
