یاریگا –
یانەی نیوکاسڵ رەخنەی توند لە کۆمپانیای مێتا دەگرێت و داوای لەئەستۆ گرتنی بەرپرسیارێتی زیاتری لێدەکات.
شەوی رابردوو لەدوای تەواوبوونی یاریی نێوان نیوکاسڵ و فولهام 1-2، لە تۆڕەکانی کۆمەڵایەتی هێرشێکی توندکرایە سەر جۆ ویڵۆک، یاریزانی نیوکاسڵ یونایتد.
ویڵۆک وەکو یاریزانی یەدەک بەشداری یارییەکەی کرد و دوای لەدەستدانی دەرفەتێکی راستەقینەی گۆڵکردن، هاندەران کاردانەوەی توندیان بەرامبەری هەبوو.
لە تۆڕەکانی کۆمەڵایەتی فەیسبووک و ئینستاگرام، رەگەزپەرستییەکی بێوێنە بەرامبەر ویڵۆک کرا و نیوکاسڵ یونایتد بە بەیاننامەیەک وەڵامی ‘رەگەزپەرستان’ی دایەوە.
نیوکاسڵ یونایتد بە تەواوی لە هەموو شوێنێک دژی رەگەزپەرستی دەوەستێتەوە.
یانە و هاندەران و ستاف بە تەواوی پاڵپشتی ویڵۆک دەکەن و لەم کارە بەردەوام دەبین. نیوکاسڵ گلەیی و ریپۆرتی خۆی گەیاندووەتە کۆمپانیای مێتا (خاوەنی ئینستاگرام و فەیسبووک)، داواش لە هەموو کۆمپانیاکانی سۆشیاڵ میدیا دەکەین، هەموو رێکارێک بۆ رووبەڕووبوونەوەی رەگەزپەرستی بگرنەبەر.
پۆلیس لە تەواوی پێشێلکارییەکان ئاگادارکراوەتەوە و پاڵپشتی توندترین سزا بەرامبەر رەگەزپەرستان دەکەین.
Newcastle United strongly condemns the appalling racist abuse received by Joe Willock on Instagram on Saturday evening. There is no room for racism anywhere.
Joe has been given the club’s full support and we will continue to do all we can to ensure the welfare of our players,… pic.twitter.com/35FUoD7a9P
— Newcastle United (@NUFC) February 2, 2025
یەکەمجارنییە هێرشی لەمشێوەیە دەکرێتە سەر ویڵۆک، لە نۆڤێمبەر/تشرینی دووەمی ساڵی 2023، دوای یاریی بەرامبەر ئارسیناڵ، بە هەمان شێوەی لە پلاتفۆڕمەکانی سۆشیاڵ میدیا، هێرشیکرایەسەر.
یاریی داهاتووی نیوکاسڵ لە قۆناخی پێشکۆتایی جامی کاراباو بەرامبەر ئارسیناڵە.
