ئێستا؛ مارکوس راشفۆرد لەگەڵ یانە نوێیەکەی رێکدەکەوێت
یاریگا –
ئاستۆن ڤێلا لە گواستنەوەی مارکوس راشفۆرد نزیکبووەتەوە.
رۆژنامەنووسی تۆڕی ئاتلێتیک دەیڤد ئۆرنشتاین بڵاویکردووەتەوە، ئاستۆن ڤێلا لە گواستنەوەی مارکوس راشفۆردی ئەستێرەی مانچێستەر یونایتد نزیکبووەتەوە و بەر لە داخرانی دەرگای مێرکاتۆی زستانە، ئەستێرە ئینگلیزەکە پەیوەندی بە ڤێلا دەکات.
Aston Villa close to agreeing deal to sign Marcus Rashford on loan from Man Utd. Still work to do but now expected 27yo #MUFC forward will join #AVFC. Likely to include buy option, significant salary coverage + bonuses. W/ @lauriewhitwell @TheAthleticFC https://t.co/AItSxUIqqh
— David Ornstein (@David_Ornstein) February 1, 2025
بەگوێرەی زانیارییەکانی ئاتلێتیک، گرێبەستەکە بەشێوەی خواستن دەبێت لەگەڵ بژاردەی بەهەمیشەیی کردنی. ئاستۆن ڤێلا مووچەی یاریزانەکە دابین دەکات و بەگوێرەی ئاستیشی پاداشتی دارایی پێشکەش دەکات.
ئۆرنشتاین ئاماژەی بەوەش کردووە، ئاستۆن ڤێلا لەسەر داوای ئۆنای ئیمری راهێنەری یانەکە تەواوی هەوڵەکانی بۆ گواستنەوەی یاریزانەکە خستووەتەگەڕ، چونکە ئیمری بە یاریزانەکە سەرسامە و داوای گواستنەوەی کردووە.
مارکوس راشفۆرد ئامانجی سەرەکی بارسێلۆنا بوو. بەڵام دوێنێ یانە کاتالونییەکە یاریزانەکەی ئاگادارکردەوە بەهۆی نەبوونی توانای دارایی ناتوانن لەم زستانە گرێبەستی لەگەڵ واژۆ بکەن.
