مانچێستەر سیتی بە فەرمی لە ناوەڕاستکارێک چووەپێشەوە
یاریگا –
یا نەی مانچێستەر سیتی لە جموجووڵەکانی بۆ گواستنەوەی یاریزان بەردەوامە و ئەم جارە لە ناوەراستکارێک بەفەرمی چووەپێشەوە.
تەنها لەم مێرکاتۆی زستانەدا سیتی توانی چوار گرێبەست لەبەرژەوەندی خۆی یەکلایی بکاتەوە، ئەوانیش سیتی تا ئێستا لە مێرکاتۆی زستانە سێ گرێبەستی راگەیاندووە، ئەوانیش عومەر مەرمووش لە یانەی ئێنتراخت فرانکفورت، عەبدولقادر خوسانۆڤ لە لانسی فەڕەنسی و ڤیتۆر رێیس لە پاڵمێراس و کریستیان ماکفەرلەین لە نیۆرک سیتی ئەمریکی.
بەگوێرەی زانیارییەکانی فابریزۆ رۆمانۆ، سیتیزنس ئەم جارە بەشێوەیەکی فەرمی داوای نیکۆ گۆنزالێسی لە یانەی پۆرتۆ کردووە.
رۆمانۆ زانیویەتی کە گفتوگۆکان بۆ گواستنەوەی ئەو ناوەڕاستکارە دەستیپێکردووە، بەڵام هیوای یانە پۆرتوگالییەکە هێشتنەوەی یاریزانە ئیسپانییەکەیە یاخود بە نرخێکی دڵخواز دەستبەرداری دەبن بۆ کڕیارە ئینگلیزیەکە.
ئەو یاریزانە 23 ساڵانە کە پیشتر لە 2021-2023 درێسی بارسێلۆنای پۆشیوە، مەرجێک لە شکاندنی گرێبەستەکەیدا هەیە کە فابریزۆ ئاشکرایکردووە. ئەویش بڕی 40%ی بەهای هەڵوەشاندنەوەکەیەتی دەچێت بۆ خەزێنەی یانە کەتەلۆنییەکە.
🚨🔵 EXCLUSIVE: Manchester City made formal approach with Porto to ask for Nico González as new midfielder.
Talks started, Porto hope to keep Nico and ask for important transfer fee or won’t leave.
❗️ Release clause worth €60m and key point, Barcelona have 40% sell-on clause. pic.twitter.com/QsNBnVNTBa
— Fabrizio Romano (@FabrizioRomano) January 31, 2025
نیکۆ ئەم وەرزە ئاستی بەشێوەیەکی بەرچاو هەڵکشاوە بەراورد بە وەرزی رابردوو. لە 17 یاریی خولی پۆرتوگالیدا خاوەنی 5 گۆڵ و 3 ئەسێستە. لە یۆرۆپالیگیش گۆڵێک و 2 ئەسێستی هەیە.
