بارسێلۆنا موژدە بە هاندەرانی دەدات
"پڕۆژەی پارێزگاری لە ئەستێرەکان"
یاریگا –
بارسێلۆنا لە هەڵمەتی نوێکردنەوەی گرێبەستی ئەستێرەکانی بەردەوامە و ئەمڕۆش گرێبەستی گاڤی نوێکردەوە.
ماڵپەڕی فەرمی بارسێلۆنا بڵاویکردووەتەوە، بەشێوەیەکی فەرمی لەگەڵ پابلۆ گاڤی ناوەڕاستکاری یانەکە گەیشتوونەتە رێککەوتن و گرێبەستی یاریزانە لاوەکەیان تاوەکو هاوینی 2030 نوێکردووەتەوە.
𝐄𝐥 𝐁𝐚𝐫𝐜̧𝐚 𝐞𝐬 𝐭𝐮 𝐯𝐢𝐝𝐚. ❤️🔥 pic.twitter.com/fVNcUfBxx5
— FC Barcelona (@FCBarcelona_es) January 31, 2025
بارسێلۆنا لەڕێگەی پلانێکی تۆکمە یەک لەدوای یەک گرێبەستی ئەستێرەکانی نوێدەکاتەوە. دوێنێ پێنجشەممە گرێبەستی پێدری گۆنزالێزیش تاوەکو هاوینی 2030 نوێکرایەوە.
هاوکات یانە کاتالونییەکە هەفتەی رابردوو گرێبەستی رۆناڵد ئاراوخۆی تاوەکو 2031 و گرێبەستی جێرارد مارتینی تاوەکو 2028 نوێکردەوە. یانەکە ئێستا کار لەسەر نوێکردنەوەی گرێبەستی لامین یامال دەکات.
گاڤی لە هاوینی 2015 لە ئەکادیمیای ریال بێتیس پەیوەندی بە لاوانی بارسێلۆنا کردووە. لە هاوینی 2021 بۆ تیپی یەکەمی یانەکەی سەرخراوە.
بەدرێسی بارسێلۆنا لە سەرجەم پاڵەوانێتییەکان بەشداری 131 یاریی کردووە. 9 گۆڵی کردووە و 17 گۆڵیشی دروستکردووە.
نازناوێکی لالیگا و دوو نازناوی جامی سوپەری ئیسپانیای لەگەڵ بارسا بەدەستهێناوە.
Un mensaje de Gavi para ti 🫶 pic.twitter.com/5xGdzGGhL4
— FC Barcelona (@FCBarcelona_es) January 31, 2025
