یاریگا –
پاولۆ فۆنسیکا خۆی لە ئاڵنگارییەکی نوێدا تاقی دەکاتەوە پۆستێکی نوێی راهێنەرایەتی پێسپێردرا.
راهێنەرە پۆرتوگالیەکە کە پێشتر لە یانەی لیلی فەڕەنسیش بووە، لە کۆتاییەکانی مانگی رابردوو لە پۆستی راهێنەرایەتی ئەیسی میلان دوورخرایەوە، دوای ئەوەی هاوینی رابردوو بۆ ئەو ئەرکە لە رۆسۆنێری دەستبەکاربووبوو.
بەگوێرەی راگەیەندراوێکی فەرمی لە پێگەکانی خۆیانەوە، یانەی لیۆنی فەڕەنسی پاولۆیان وەک راهێنەری نوێ دەستنیشانکرد و تا هاوینی 2027 لەگەڵ ئەو یانەیە کاردەکات.
🚨 @PFonsecaCoach est notre nouvel entraîneur ! 🔴🔵
Bienvenue, Paulo ! 🤝
— Olympique Lyonnais (@OL) January 31, 2025
وەرگرتنی ئەو پۆستە هەروا ئاسان نابێ، بەوپێیەی یانە فەڕەنسیەکە کەوتووەتە قەیرانی ئیدارەدان و هەڕەشەی لەسەرە و بەهۆێ بەردەوامبوونی قەیرانە داراییەکەیان، دابەزێندرێن بۆ خولێکی خوارتر لە خولی لیگ وەن. هەر بۆیەش لە دیارترین یاریزانەکانی دەفرۆشێت. لە بەرامبەردا ناتوانێت هیچ گرێبەستێکی نوێ ئەنجام بدات.
