نەسری سعودی ئۆفەرێکی گەورەی پێشکەشی ئەستێرەیەکی دیکەی پرێمەرلیگ کرد
یاریگا –
یانەی نەسری سعودی دەیەوێ گڕ لە میرکاتۆی زستانە بەربدات و بە چەند گواستنەوەیەکی گەورە لەم بازاڕەدا ریزەکانی پڕچەک بکات.
لە چەند کاتژمێری رابردوودا یانەکەی کریستیانۆ رۆناڵدۆ هەمووشتێکی لەگەڵ جۆن دورانی هێرشبەری دەرکەوتووی یانەی ئاستۆن ڤیلا یەکلاییکردەوە و بە بڕی 77 ملیۆن دۆلار یانە ئینگلیزیەکەی رازیکرد بۆ دەستبەرداربوون لە یاریزانە کۆڵۆمبیەکە.
بەگوێرەی نوێترین زانیاریی کە تۆزێک پێش ئێستا دەیڤد ئۆرنشتاینی رۆژنامەنووسی ماڵپەڕی زە ئاتلێتیک بڵاویکردەوە، نەسر بە پێشکەشکردنی گرێبەستێکی فەرمی لە کاورو میتۆمای یاریزانی برایتن چووەتەپێشەوە.
دەیڤد بڕی ئۆفەرەکەی نەسڕی ئاشکراکردووە و باس لەوەدەکات 65 ملیۆن یۆرۆ بووە. بەڵام لە قۆناخی یەکەمدا لەلایەن برایتنەوە رەتکراوەتەوە و نایانەوێ بەو برە پارەیە دەستبەرداری ئەستێرە یابانیەکەیان ببن.
ئەو رۆژنامەنووسە ئەوەشی بڵاوکردووەتەوە کە نیازی یانە سعودیەکە بۆ گواستنەوەی میتۆمای 27 ساڵان بۆ تۆکمەترکردنی هێڵی پێشەوەیە لەکاتی دروستبوونی بۆشایی فراواندا.
🚨 EXCL: Al Nassr approach Brighton & Hove Albion with formal bid to sign Kaoru Mitoma. Proposal for Japan international winger €65m – formally rejected by #BHAFC. 27yo top target to fulfil #AlNassr aim of bolstering in wide attacking areas @TheAthleticFC https://t.co/gkGJxccleE
— David Ornstein (@David_Ornstein) January 30, 2025
