لاوەکەی بایرن لەنێوان خواستی یانەکانی ئینگلتەرا خۆی یەکلایکردەوە
یاریگا –
لە ئینگلتەراوە کێیبڕکێی توند لەنێوان یانە گەورەکانی ئەو وڵاتەدا هەیە بۆ گواستنەوەی ماتیس تێل.
هەریەکە لە یانەکانی ئارسیناڵ، تۆتنها، چێڵسی و مانچێستەر یونایتد لە رکابەری یەکتردان بۆ گواستنەوەی هێرشبەرە لاوەکە. ئەگەرچی خودی خۆی چەند جارێک خەونی ئەوەی پیشانداوە ببێتە ناوێکی دیار لەگەڵ باڤارییەکان.
بەگوێرەی زانیارییەکانی پیتەر هۆڵی رۆژنامەنووس لە تۆڕی هەواڵی سکای سپۆرتس، ئەو یاریزانە 18 ساڵانە لەنێوان یانە خوازیارییەکانیدا مان یونایتدی دەستنیشانکردووە بۆ وێستگەی داهاتووی.
🚨 Mathys Tel prefers a move to Manchester United over Arsenal, Chelsea and Tottenham. #MUFC [@PeteHall86, @TheiPaperSport] pic.twitter.com/9PChQahAPW
— mufcmpb (@mufcMPB) January 30, 2025
ئەو زانیارییە لەکاتێکدایە هەر ئەمڕۆش میگێل دێلانێی رۆژنامەنووسی ئیندیپێندێنت ئامادەن ئالێخاندرۆ گارناچۆ بفرۆشن بۆ دابینکردنی تێچووی گواستنەوەی ماتیسی فەڕەنسی.
دێلانێی ئەوەشی زانیوە کە مانچێستەر یونایتد دەیەوێ هەرچی زووە پێش داخستنی بازاڕی زستانە رێککەوتن لەگەڵ ئەو یاریزانە و بایرنیش یەکلیی بکاتەوە و بیگوازێتەوە بۆ ئۆڵدترافۆرد، بەڵام جارێ تەنها بەشێوەی خواستن و دواتر هاوینی داهاتوو بەیەکجاریی بیکڕێتەوە.
🚨 Manchester United are aiming to sell Alejandro Garnacho and bring in Mathys Tel on loan before the transfer deadline.
(Source: @MiguelDelaney) pic.twitter.com/FHjXZOdQcF
— Transfer News Live (@DeadlineDayLive) January 30, 2025
چەند سەرچاوەیەکی جیاوازییش باسیان لەوەدەکرد یانەی تۆتنهام تا بڕی 60 ملیۆن یۆرۆی وەک نرخی تێل ئامادەکردووە.
