یاریگا –
بەفەرمی چاڤی سیمۆنسی هۆڵەندی بەشێوەیەکی هەمیشەیی ریزەکانی پاریس سانجێرمان جێدەهێڵێت.
ماڵپەڕی فەرمی لایپزیگ بڵاویکردووەتەوە، بەشێوەیەکی فەرمی لەگەڵ پاریس سانجێرمان گەیشتوونەتە رێککەوتن و گرێبەستی جاڤی سیمۆنس لە خواستنەوە دەکەن بە هەمیشەیی.
بەگوێرەی زانیارییەکانی تۆری هەواڵی سکای ئەڵمانیا، تێچووی گرێبەستەکە 50 ملیۆن یۆرۆ دەبێت، بە پاداشتە داراییەکان ئەگەری هەیە بگاتە نزیکەی 80 ملیۆن یۆرۆ. گرێبەستەکە تاوەکو هاوینی 2027 دەبێت.
RB Leipzig sign Xavi 🤝
The 21-year-old attacker, who has already played 60 competitive games on loan for the club, has now joined #RBL permanently from @PSG_English! ✍️
— RB Leipzig English (@RBLeipzig_EN) January 30, 2025
سیمۆنسی تەمەن 21 ساڵ لە هاوینی 2019 بە گرێبەستێکی ئازاد لە بارسێلۆناوە پەیوەندی بە پاریس کرد، بەدرێسی سانجێرمان بەشداری تەنیا 11 یاری کردووە، بەشێوەیەکی گشتی تەنیا 331 خولەک یاری کردووە و یەک گۆڵی دروستکردووە.
چاڤی لە وەرزی 2022/2023 بەشێوەی خواستن یاریی بۆ ئایندهۆڤنی هۆڵەندی کرد، لە 48 یاریی 22 گۆڵی کرد و 12 دروستکرد.
لە وەرزی 2023/2024 بەشێوەی خواستن پەیوەندی بە لایپزیگی ئەڵمانی کرد. پاش کۆتایی وەرزەکە جارێکی دیکە بۆماوەی وەرزێکی دیکە بەخواستن پەیوەندی بە یانە لایپزیگ کردەوە. بەدرێسی یانە ئەڵمانییەکە بەشداریی 60 یاریی کردووە، 15 گۆڵی کردووە و 19 گۆڵی دروستکردووە.
بە درێسی هەڵبژاردەی وڵاتەکەشی بەشداری 24 یاریی کردووە، 3 گۆڵی کردووە و 3 گۆڵی دروستکردووە
