فەرمی؛ گەورەیەکی ئەوروپا راهێنەرەکەی گۆڕی
یاریگا –
بەفەرمی بۆڕووسیا دۆرتموند نیکۆ کۆڤاچی راهێنەری پێشووی بایرن میونشنی وەک راهێنەری نوێی یانەکەی دەستنیشانکرد.
ماڵپەڕی فەرمی بۆڕووسیا دۆرتموند بڵاویکردووەتەوە، بەشێوەیەکی فەرمی لەگەڵ نیکۆ کۆڤایچ گەیشتوونەتە رێککەوتن و راهێنەرە ئەڵمانی/کڕواتییەکە تاوەکو هاوینی 2026 پۆستی راهێنەرایەتی دۆررتموند لەئەستۆ دەگرێت.
Herzlich willkommen, Niko! 🤝
Der BVB hat die Position des Cheftrainers neu besetzt. Niko Kovac wird die Mannschaft am kommenden Sonntag – einen Tag nach dem Spiel in Heidenheim – übernehmen. Er unterschreibt einen Vertrag bis zum 30. Juni 2026. ✍️
▶️ https://t.co/DwQzo1x7KE pic.twitter.com/eeEvU9pwcY
— Borussia Dortmund (@BVB) January 30, 2025
رۆشی شەممە دۆرتموند لە یارییەکانی گەڕی 20ـی بۆندسلیگا دەبێتە میوانی هێدینهایم. مایک تولبێرگ تاوەکو یارییەکەی رۆژی شەممەش وەک راهێنەری کاتی یانەکە دەمێنێتەوە.
نیکۆ کۆڤاچ لە رۆژی یەکشەممەوە وەک راهێنەری نوێی زەردەواڵەکانی ئەڵمانیا دەستبەکار دەبێت و لە گەڕی 21ـی بۆندسیلگا بەرامبەر شتوتگارت سەرپەرشتی تیپەکە دەکات.
هاوکات رۆبەرت کۆڤاچی برای نیکۆ کۆڤاچ و فیلیپ تاپلۆڤیچ وەک یاریدەدەری نیکۆ لە دۆرتموند دەستبەکار دەبن.
کۆڤاچ لە ئەڵمانیا لەدایکبووە و دایک و باوکی کڕواتین، کاپتنی پێشووی هەڵبژاردەی کڕواتیایە. 83 یاریی بۆ هەڵبژاردەی وڵاتەکەی کردووە و 14 گۆڵی کردووە.
راهێنەرە 53 ساڵانییەکە لە ئۆکتۆبەری 2013 تاوەکو سێپتێمبەری 2015 راهێنەری هەڵبژاردەی کڕواتیا بووە.
لە هاوینی 2016 تاوەکو هاوینی 2018 لە 91 یاریی راهێنەری فرانکفورتی ئەڵمانی بووە و هاوینی 2018 تاوەکو نۆڤێمبەری 2019 لە 65 یاریی راهێنەری بایرن میونشن بووە.
لە هاوینی 2020 تاوەکو هاوینی 2022 راهێنەری مۆناکۆی فەڕەنسی بووە و 2022 تاوەکو هاوینی 2024 راهێنەری فۆڵفسبوگی ئەڵمانی بووە.
نازناوێکی بۆندسلیگا، جامی ئەڵمانیا و جامی سوپەری ئەڵمانیای لەگەڵ بایرن میونشن بەدەستهێناوە و نازناوێکی جامی ئەڵمانیای لەگەڵ فرانکفورت بەدەستهێناوە.
هەفتەی داهاتوو بروسیا دۆرتمۆند لە کۆنگرەیەکی رۆژنامەوانیدا نیکۆ کۆڤاچ بە میدیاکان دەناسێنێت.
