تەواو؛ جۆن دوران پەیوەندی بە نەسڕی سعوودیەوە دەكات
یاریگا –
یانەی نەسڕی سعوودی لە گواستنەوەی جۆن دوران ئەستێرەی كۆڵۆمبی یانەی ئاستۆن ڤیلای ئینگلیزی نزیک دەبێتەوە.
فابریزیۆ رۆمانۆ، رۆژنامەنووسی ئیتاڵی و شارەزا لە بازاڕی گواستنەوەی یاریزانان لە هەژماری تایبەتی خۆی ئاشكرایكرد، یانەی نەسڕی سعوودی لەگەڵ ئاستۆن ڤیلا بۆ گواستنەوەی جۆن دوران گەیشتووەتە رێككەوتنی كۆتایی.
🚨🟡🔵 Jhon Durán to Al Nassr, here we go! Story from earlier tonight confirmed as documents are being prepared.
Aston Villa to receive €77m fixed fee plus add-ons, long term deal accepted by Durán.
Medical booked tomorrow and then he will travel to Saudi right after ✈️🇸🇦 pic.twitter.com/m3SN6ots84
— Fabrizio Romano (@FabrizioRomano) January 29, 2025
ئاماژەی بەوەشكردووە، ئاستۆن ڤیلا بڕی 77 ملیۆن یۆرۆی راستەوخۆ و گۆڕانكاری بۆ دەستبەرداربوون لە جۆن دوران وەردەگرێت.
رۆمانۆ ئاشكرایكردووە، دوران ئەمڕۆ پێنجشەممە پشكنینە پزیشكیەكان دەكات و دواتر بۆ پەیوەندیكردنی بە یانە نوێیەكەیەوە گەشتی سعوودیە دەكات.
دورانی تەمەن 21 ساڵان لەگەڵ ئینڤیگادۆی كۆڵۆمبی كاروانی وەرزشی دەستپێكرد و دواتر پەیوەندی بە چیكاگۆ فایری ئەمریكیەوە كرد.
لە گواستنەوەكانی زستانەی ساڵی 2023 جۆن دوران بە بەهای 20ملیۆن یۆرۆ پەیوەندی بە ئاستۆن ڤیلاوە كرد.
لە 78 یاریدا لەگەڵ ڤیلا 20 گۆڵی كردووە و هیچ گۆڵێكیشی درووست نەكردووە.
