کڵۆپ لە بەڕازیل چی بەسەر هات؟

یاریگا –

یۆرگن کڵۆپ، پێش دەستپێکردنی یارییەکەی پالمێراس و پاولیستا تووشی رووداوێکی سەرنجڕاکێش بوو.

کڵۆپ بەڕێوەبەری تۆپی پێی یانەی رێدبول، لە گەشتێکی بۆ بەڕازیل بۆ پشکنینی دامەزراوەکانی براگانتینۆ (بە پاڵپشتی رێدبول) دەرفەتەکەی قۆستەوە بۆ ئەوەی سەیری یارییەکەی پاڵمێراس بەرامبەر پاولیستاو بکات.

راهێنەری پێشووی لیڤەرپول، پێش دەستپێکردنی یارییەکە چووە ناو یاریگا و لە ناکاو سیستەمی ئاوی یاریگاکە چالاک بوو و جلوبەرگی راهێنەرەکەی بە تەواوی تەڕ کرد. سەرەڕای ئەم رووداوە، کڵۆپ خەندەی لەسەر لێوەکانی بوو و هەوڵی دەدا ئارام دەربکەوێت.

هەروەها بەر لە یارییەکە، لیلا پێرێرا سەرۆکی یانەی پاڵمێراس درێسێکی یانەکەی پێشکەش بە کلۆپ کرد کە ناوی راهێنەرە ئەڵمانییەکەی لەسەر نووسرابوو.

هەروەها دوێنێ کلۆپ لە کەمپی رێدبول بوو لە ساوپاولۆ و سەیری یارییەکەی نێوان براگانتینۆ و تیپی خوار 17 ساڵانی سالزبۆرگی دەکرد.