بارسێلۆنا لە کامپ نۆ پێشوازی لە ریال مەدرید دەکات

یاریگا –

خوان لاپۆرتا، سەرۆکی یانەی بارسێلۆنا، پێی وایە ئەگەر چانسی بردنەوەی لالیگا لە مانگی ئایاردا روون ببێتەوە، بە دڵنیاییەوە بۆ یارییەکەی بەرامبەر ریال مەدرید لە کامپ نۆ پێشوازییان لێدەکرێت.

ئەمە دڵنیاییەکە لەلایەن سەرۆکی بارسێلۆناوە کە دەتوانرێت ئێل کلاسیکۆ لە سپۆتیفای کامپ نو بەڕێوە بچێت.

بە دڵنیاییەوە لە کۆبوونەوەی دەستەی کارگێڕی بارسیلۆنا کە ئەمڕۆ بەڕێوە دەچێت، رۆژنامەی موندۆ دیپۆرتیڤۆ یاماژەی بەوە کردووە کە گفتوگۆیەکی زۆر لەسەر بەرەوپێشچوونی کارەکانی کامپ نۆ دەکرێت. گرێبەستەکەی مۆنتجویک تا 23ی نیسان درێژکرایەوە، بەڵام بابەتی ئێستا ئەوەیە کە یاری ئیلکلاسیکۆ و یارییەکی چامپیۆنزلیگ لە کوێ بەڕێوەبچێت. بارسێلۆنا تا ئێستا بە جددی بیری لە یاریگای جێگرەوە نەکردووەتەوە، چونکە گەشبینن بەوەی کامپ نو تا ئەو کات ئامادە دەبێت.

سەردانێکی نوێ بۆ شوێنی بیناسازی زۆر لەمەوبەر ئەنجامدرا و پێشکەوتنەکانیش جێگەی سەرنج بوو. هەروەها بەرپرسانی کۆمپانیای بیناسازی لیماک هیوادارن بتوانن کارەکان لە کاتی خۆیدا تەواو بکەن و دوو بەشی یەکەمی سەکۆکان و راڕەوەکانی چوونە ژوورەوە و توالێت و هەموو ئەو شتانەی کە پێویستن بۆ کردنەوەی بەشێکی لە مانگی ئایاردا لەسەدا 60 ئامادە بکەن. تەنیا مۆڵەتەکانی شارەوانی هەروەها رەزامەندی لە بەڕێوەبەرایەتی ئاگرکوژێنەوەی بارسێلۆنا ماوە و ئەم داواکاریانە رەوانەی دەستەی بەڕێوەبەرایەتی کراوە.

بەڵام ئەگەر کارەکان لە کاتی خۆیدا ئەنجام نەدرێن، پێویستە پلانێکی جێگرەوە هەبێت، چونکە لە کۆتاییدا رەنگە نەتوانرێت یارییەکانیان لە مۆنتجویک بەڕێوەبچن. کۆمپانیای بی ئێس ئێم کە بەرپرسیارە لە بەڕێوەبردنی یاریگاکە، پلانی بۆ کۆنسێرتی گرنگی داناوە. بۆ نموونە گروپی رۆڵینگ ستۆن دەیەوێت گەشتە جیهانییەکەی لە یاریگای مۆنتجویک دەست پێبکات و پێویستیان بە کات هەیە بۆ مەشقکردن و دانان و رێکخستنی ستەیج. یەکێک لە بژاردەکان ئەوەیە کە یارییەکە لە یاریگایەکی گەورەی ئەوروپادا ئەنجام بدرێت بۆ بەدەستهێنانی داهات (ئێل کلاسیکۆ لە نێوان 8 بۆ 9 ملیۆن یۆرۆ داهاتی هەیە)، بەڵام ئەمە تەنها بیرۆکەیەکە.

لە هەر حاڵەتێکدا هەموو ئەمانە وەک گریمانەیی دەمێننەوە، چونکە بە تەواوی بڕیاری لەسەر نەدراوە. هێشتا ئامانجی ژمارە یەک ئەوەیە کە ئیل کلاسیکۆ لە یاریگای کامپ نو بەڕێوە بچێت. ئەگەر ئەمە لە کۆتاییدا نەکرێت، بژاردەی تر چالاک دەکرێن. لە دانوستان لەگەڵ رێکخەرانی کۆنسێرتەکان تا ئەنجامدانی یارییەکە لە یاریگایەکی تر لە کەتەلۆنیا، ئیسپانیا یان تەنانەت ئەوروپا.