تەواو؛ کەریم ئادیێمی بڕیاری کۆتایی دەدات
یاریگا –
کەریم ئادیێمی هەموو شتێک یەکلایی دەکاتەوە و کۆتا بڕیار لەبارەی چارەنووسی دەدات.
رۆژنامەنووسی ئیتاڵی فابریزۆ رۆمانۆ بڵاویکردووەتەوە، کەریم ئادیێمی بڕیاریداوە لەم زستانە بۆڕووسیا دۆرتموند جێنەهێڵێت و لەگەڵ زەردەواڵەکانی ئەڵمانیا بەردەوامدەبێت.
بەگوێرەی زانیارییەکانی رۆمانۆ، کەریم سەرجەم ئەو یانانەی لە بڕیارەکەی ئاگادارکردووەتەوە کە هەوڵی گواستنەوەی دەدەن. ناپۆلی ئیتاڵی و چەند یانەیەکی پرێمەرلیگ بۆ گواستنەوەی لەسەرهێڵ بوون.
🚨🟡⚫️ Understand Karim Adeyemi’s current decision is to stay at Borussia Dortmund this month and he has now informed all clubs interested.
Despite Napoli proposals and also PL clubs keen, he’s now expected to continue at BVB. pic.twitter.com/VvOaZ7uIUD
— Fabrizio Romano (@FabrizioRomano) January 28, 2025
ئەستێرە ئەڵمانییەکە گەیشتووەتە ئەوبڕوایەی باشترە تاوەکو هاوینی داهاتوو لە دۆرتموند بمێنێتەوە، لە هاویندا جارێکی دیکە بیر لە ئۆفەرەکان دەکاتەوە و بڕیاری جێهێشتنی یانەکە یاخود درێژکردنەوەی گرێبەستەکەی دەدات.
هێرشبەرە 23 ساڵانییەکە تاوەکو هاوینی 2027 گرێبەستی لەگەڵ دۆرتموند هەیە. بەگوێرەی ماڵپەڕی ترانسفێرمارکێت، بەهای ئێستای یاریزانەکە لە بۆڕسەی یاریزانان 35 ملیۆن یۆرۆیە.
ئادیێمی لە هاوینی 2022 بەبڕی 30 ملیۆن یۆرۆ لە سالزبورگەوە پەیوەندی بە دۆرتموند کردووە. لە 80 یاریی 19 گۆڵی بۆ یانەکەی کردووە و 13 گۆڵی دروستکردووە.
