فەرمی؛ مانچێستەر سیتی یاریزانێكی دیكەی گواستەوە
یاریگا –
یانەی مانچێستەر سیتی بە فەرمی گواستنەوەی كریستیان مەكفارلنی بۆ ریزەكانی یانەكەی راگەیاند.
مەكفارلن یاریزانی تیمی لاواینی نیویۆركی ئەمریكیە و بەرگریكاری باڵی چەپە و تەمەنی 18 ساڵە.
HISTORY MADE 🗽
18-year-old Christian McFarlane becomes the first New York City FC Homegrown player to have gone through the Club’s entire development pipeline and join a Premier League side. pic.twitter.com/TKF2KCoMcR
— New York City FC (@newyorkcityfc) January 27, 2025
هەژمای فەرمی نیویۆرك سیتی لە پلاتفۆرمی ئێكس گواستنەوەی كریستیان مەكفارلینی تەمەن 18 ساڵانی بۆ ریزەكانی مانچێستەر سیتی راگەیاند.
لە بەیاننامەكەی نیویۆركدا هاتووە:
كریستیان مەكفارلەین یەكەم یاریزانی نیو یۆرك سیتیە پەیوەندی بە خولی ئینگلیزیەوە بكات.
بەگوێرەی راگەیەندراوی یانە ئەمریکیەکە، گرێبەستی سیتیزنس لەگەڵ ئەو یاریزانە ئینگلیزیە لەبەرامبەر رێژەی قازانجی فرۆشتن لە داهاتوودا.
مەکفارلەین وەرزی رابردوو لە 13 بەشداریکردندا بۆ تیمی یەکەمی نیو یۆرک توانی ئاستی خۆی پیشان بدات و سەرنجی گەورەکانی بکەوێتەسەر. بەو ئاستەی توانی یەکێکبێت لە باشترین یاریزانەکانی خوار تەمەنی 22 ساڵ لە خولی یانەکانی ئەمریکا.
بەگوێرەی زانیارییەکانی ترانسفێرمارکت، ئەو یاریزانە پێشتر ئۆفەری برایتنی رەتکردووەتەوە. دوو یانەی ئەڵمانیش خواستیان لە گواستنەوەی کریستیان هەبووە، ئەوانیش دۆرتموند و بایرن میونشن بوون.
سیتی تا ئێستا لە مێرکاتۆی زستانە سێ گرێبەستی راگەیاندووە، ئەوانیش عومەر مەرمووش لە یانەی ئێنتراخت فرانکفورت، عەبدولقادر خوسانۆڤ لە لانسی فەڕەنسی و ڤیتۆر رێیس لە پاڵمێراس.
