فەرمی؛ یوڤێنتوس گرێبەستی ئەستێرەیەکی هەڵوەشاندەوە
یاریگا –
بەشێوەیەکی فەرمی یوڤێنتوس گرێبەستی دانیلۆ لویز دا سیلڤای بەرازیلی هەڵوەشاندەوە.
ماڵپەڕی فەرمی یوڤێنتوس بڵاویکردووەتەوە، لەگەڵ دانیلۆ گەیشتوونەتە رێککەوتن و بەفەرمی دوای پێنج ساڵ و نیو لە یاریکردن بۆ یانەکە گرێبەستی یاریزانە بەڕازیلییەکەیان هەڵوەشاندووەتەوە.
پاڵەوانێک کە تەنیا دەتوانین هیوای باشترینی بۆ بخوازین، سوپاس بۆ هەموو شتێک و بەهیوای بەختێکی باش دانیلۆ.
Danilo and Juventus part ways.
Thank you for everything, and good luck!
— JuventusFC 🇬🇧🇺🇸 (@juventusfcen) January 27, 2025
دانیلۆ لە هاوینی 2019 بەبڕی 37 ملیۆن یۆرۆ لە مانچێستەر سیتییەوە پەیوەندی بە یوڤێنتۆس کرد. بەدرێسی یانە ئیتاڵییەکە بەشداری 213 یاریی کردووە. 9 گۆڵی کردووە و 14 گۆڵی دروستکردووە.
یەک نازناوی سێریا ئەی، دوو نازناوی جامی ئیتاڵیا و نازناوێکی جامی سوپەری ئیتاڵیای لەگەڵ خانمە پیرەکە بەدەستهێناوە.
هاوکات بەگوێرەی زانیارییەکانی رۆژنامەنووسی ئیتاڵی فابریزۆ رۆمانۆ، دانیلۆ لەگەڵ فلامینگۆی بەرازیلی گەیشتووەتە رێککەوتن و تاوەکو 2026 یاریی بۆ یانەی وڵاتەکەی دەکات.
