دەنگۆکانی مێرکاتۆ؛ نێیمار سازشێکی گەورە دەکات و بارسا بێدەنگە

یاریگا –

مانچێستەر یونایتد واز لە بەرگریکارێکی سێریا ئەی ناهێنێت، نێیمار ئامادەیە سازشێکی گەورە لەسەر مووچەکەی بکات، ئاستۆن ڤیلا بەرگریکارێکی چێڵسی دەوێت…

ستیچی دامیانی، سەرۆکی لێچی دووپاتیدەکاتەوە؛ خەریکن بەرگری لە ئۆفەرەکەی مانچێستەر یونایتد بۆ گواستنەوەی پاتریک دۆرگو دەکەن، بەهاکەی دەگاتە 40 ملیۆن یۆرۆ – فووتبۆڵ ئیتاڵیا

نێیمار ئامادەیە سازش لەسەر بەشێکی زۆر لە مووچەکەی لە هیلال ببێت، تاوەکو پەیوەندی بە سانتۆس بکات – فووت مێرکاتۆ

رێناتۆ ڤێیگا، بەرگریکاری چێڵسی ئەمڕۆ بەخواستن پەیوەندی بە یوڤێنتوس دەکات – فابریزیۆ رۆمانۆ

ئێمیلیانۆ بوێندیا، گرێبەستەکەی بۆ ماوەی ساڵێک بۆ گرێبەستی ئێستای نوێکردەوە و تاوەکو هاوینی 2026 لە ئاستۆن ڤیلا دەمێنێتەوە – ئاتلێتیک

ئاستۆن ڤیلا بۆ گواستنەوەی خوان فۆیس خەریکە گفتوگۆ لەگەڵ ڤیاڕیال دەکات – تۆک سپۆرت

ئاکسێل دیساسی، بەرگریکاری چێڵسی لە پەیوەندیکردن بە ئاستۆن ڤیلا نزیکە – فووتبۆڵ ئینسایدەر

تیمۆ ڤێرنەر، کە بەخواستن لە لایپزیگ یاریی بۆ تۆتنهام دەکات، نزیکە بە خواستن یاریی بە نیویۆرک رێد بوڵز بکات – فووت مێرکاتۆ

ڤیرجیڵ ڤان دایک، کاپتنی لیڤەرپوول تاوەکو ئێستا لە داهاتووی خۆی دڵنیانییە و گرێبەستەکەی لە هاوینی داهاتوو بەسەردەچێت – لیڤەرپوول ئێکۆ

مادس رۆرسلێڤ، بەرگریکاری برێنتفۆرد ئەمڕۆ بەخواستن تاوەکو کۆتایی ئەم وەرزە یاریی بۆ ڤۆڵفسبورگ دەکات – سکای سپۆرتس

ستراسبۆرگ جارێکی دیکە هەوڵ بۆ گواستنەوەی فابیۆ کارڤالیۆ، هێرشبەری برێنتفۆرد دەدات – فووت مێرکاتۆ

ئەیسی میلان ئۆفەرێکی نوێ بۆ گواستنەوەی سانتیاگۆ خیمینێز، هێرشبەری فاینۆرد پێشکەش دەکات و لەوانەیە بەهاکەی بگاتە 34 ملیۆن یۆرۆ – کالچیۆ مێرکاتۆ