ئەستێرەیەکی گەورە خۆی پێشکەش بە بارسێلۆنا دەکات

یاریگا –

نێیمار دا سیلڤا دەیەوێت جارێکی دیکە درێسی بارسێلۆنا بپۆشێت.

ماڵپەڕی کۆپێی ئیسپانی بڵاویکردووەتەوە، نێیمار دا سیلڤا خۆی پێشکەش بە بارسێلۆنا کردووە و خەون بەوە دەبینێت جارێکی دیکە یاری بۆ یانە کاتالۆنییەکە بکاتەوە.

بەگوێرەی زانیارییەکانی کۆپێ، بارسێلۆنا داواکەی نێیماری رەتکردووەتەوە ئامادەنین گرێبەست ئەستێرە بەڕازیلییەکە واژۆ بکەنەوە.

هەر بەگوێرەی هەمان سەرچاوە، دوای رەتکرانەوەی داواکەی، نێیمار بڕیاریداوە پەیوەندی بە یانەی سانتۆسی بەڕازیلی بکات و لە گەڕانەوە بۆ یانەی منداڵی نزیکە.

نێیمار هاوینی 2017 بەبڕی 222 ملیۆن یۆرۆ بارسێلۆنای جێهێشت و وەک گرانبەهاترین یاریزانی جیهان پەیوەندی بە پاریس سانجێرمان کرد. بەڵام لەگەڵ یانە پاریسییەکە سەرکەوتوو نەبوو.

لە هاوینی ساڵی 2023 لە ریزەكانی پاریس سانجێرمانەوە بە بەهای 90 ملیۆن یۆرۆ پەیوەندی بە هیلالی سعوودی کرد. لەگەڵ یانە سعوودیەکەش بەهۆی پێکان بەشداریی تەنیا 7 یاریی کردووە.

نێیمار لە گەڕانەوەی بۆ یانەیەكی پێشووی نزیكە