بۆیەکەمجار لە مێژوودا نرخی خانمە یاریزانێک گەیشتە ملیۆنێک یۆرۆ

یاریگا –

بۆیەکەمجار لە مێژوودا نرخی خانمە یاریزانێک گەیشتە ملیۆنێک یۆرۆ، ناومی گیرما بە ملیۆنێک یۆرۆ گرێبەستی لەگەڵ چێڵسی واژۆ کرد.

یانەی چێلسی بەفەرمی گواستنەوەی ناومی گیرما خانمە بەرگریکاری ئەمریکی لە سان دیێگۆ وەیڤی ئەمریکییەوە بۆ ریزەکانی راگەیاند، کە ئەو یاریزانە بووە یەکەم خانم لە مێژووی تۆپی پێدا نرخی بگاتە ملیۆنێک یۆرۆ.

The moment the world has been waiting for. Naomi Girma in Chelsea blue. 💙😍 pic.twitter.com/1w8aSZTdfa

— Chelsea FC Women (@ChelseaFCW) January 26, 2025

بەرگریکارە 24 ساڵانەکە بۆ ماوەی چوار ساڵ و نیو گرێبەستی لەگەڵ چێلسی واژۆ کردووە و لە دوایین یاریی یانەکانی لە پرێمەرلیگی خانمان لە یاریی بەرامبەر ئارسیناڵ لە یاریگای ستامفۆرد بریج ئامادە بوو، بە هاندەران و میدیاکان ناسێنرا.

بەرگریکارە ئەمریکییەکە خاوەنی 44 یاریی نێودوڵەوتییە بە درێسی هەڵبژاردەی خانمانی ئەمریکا و دەبێتە گرانبەهاترین یاریزان لە مێژووی تۆپی پێی خانماندا.

چێڵسی لە پرێمەرلیگی خانمان بە کۆکردنەوەی 32 خاڵ پلەی یەکەمی خولەکەی گرتووە و ئارسیناڵیش بە 25 خاڵ لە پلەی دووەم دێت.