یاریگا –
پێدری تووشی سکچوون بووە و ناتوانێت ئەمشەو بەرامبەر ڤالێنسیا یاریی بکات.
رۆژنامەی موندۆ دیپۆرتیڤۆی کەتەلۆنی ئاشکرایکردووە، پێدری ناوەڕاستکاری بارسێلۆنا تووشی سکچوون و رشانەوە بووە، ناتوانێت لە یاریی ئەمشەو لە گەڕی بیست و یەکەمی لالیگا بەرامبەر ڤالێنسیا یاریی بکات.
🚨 ¡Pedri apunta a baja en el Barça!https://t.co/xkprXMtBHI
— Mundo Deportivo (@mundodeportivo) January 26, 2025
رۆژنامە ئیسپانییەکە راشیگەیاندووە، شەوی رابردوو پێدری تەندروستی باش نەبووە، تووشی رشانەوە و سکچوونێکی توند بووە و بۆ یاریکردن بەردەست نییە، ناتوانێت لە یارییەکەی ئەمشەو بەرامبەر ڤالێنسیا ئامادە بێت، پێشبینی دەکرێت فێرمین شوێنی بگرێتەوە.
ئەمڕۆ پێدری لەگەڵ باوکی سەردانی شاری وەرزشی بارسێلۆنای کردبوو، بەڵام دوای ئەنجامدانی پشکنینی پزیشکی گەڕایەوە ماڵەوە و لەگەڵ شاندی یانەکەی نەچووەتە هۆتێل.
بارسێلۆنا پێش یارییەکەی ئەمشەو بە کۆکردنەوەی 39 خاڵ لە پلەی سێیەمی لالیگا دێت و 10 خاڵ لە ریال مەدرید پێشەنگی خولەکەوە دوورە.
