یاریگا –
دەیڤد بێکهام، خاوەنی ئینتەرمیامی رایگەیاند، لیۆنێل مێسی دەیهەوێت بۆ هەمیشە بگەڕێتەوە بارسێلۆنا.
لە ساڵی 2021، دوای تەواوبوونی گرێبەستەکەی لەگەڵ بارسێلۆنا، مێسی بەهۆی کێشەی دارایی یانەکەوە نەیتوانی گرێبەستەکەی نوێ بکاتەوە و دوای 17 ساڵ ناچار بوو تیپەکەی جێبهێڵێت بۆ بەدەستهێنانی ئەزموونی زیاتر رویکردە خولی فەرەنسا.
بەڵام ژیانی وەرزشی لە پاریس زۆر نەخایاند و لە ساڵی 2023 ئەستێرە ئەرجەنتینییەکە بڕیاریدا تۆپی پێی ئەوروپا بەجێبهێڵێت و چووە ئەمریکا بۆ ئەوەی درێسی ئینتەر میامی لەبەر بکات، هەر زوو بوو بە ئەستێرەی یەکەمی یانەکەی و ژمارەی پێوانەیی زۆری لە یانە ئەمریکییەکە تۆمار کرد.
بەڵام پێدەچێت ئەستێرە ئەرجەنتینییەکە دوای کۆتاییهاتنی ژیانی وەرزشی نەیهەوێت لە ئەمریکا بمێنێتەوە، بێکهامیش ئاشکرایکرد کە بڕیارە جارێکی دیکە بگەڕێتەوە ئیسپانیا و لەگەڵ خێزانەکەی لە بارسێلۆنا بژی.
خاوەنی ئینتەر میامی و ئەستێرەی پێشووی مانچێسەر یۆنایتد دەڵێت:
حەزم دەکرد مێسی دوای وازهێنانی لە مەیامی بژی، بەڵام لیۆ پێی گوتم کە تەنیا بیر لە ژیانی نزیک کامپ نو دەکاتەوە. هیچ یاریزانێک نییە هێندەی ئەو بارسێلۆنای خۆش بوێت. لۆگۆی بارسا لەسەر قاچی و تەنانەت لەسەر ئەو بوتڵە ئاوەی کە لێی دەخواتەوە دەبینیت.
