دەنگۆکانی مێرکاتۆ؛ بارسێلۆنا و ریال مەدرید بە توندی چوونەتە نێو بازاڕی گواستنەوەکان

یاریگا –

مارکوس راشفۆرد ئامادەیە سازش لەسەر خەرجییەکانی بکات، ریال مەدرید گرنگی بە هێرشبەرێکی پرێمەرلیگداوە و نیوکاسڵ یونایتد گرێبەستی ئەستێرەی یەکەمی یانەکەی نوێدەکاتەوە…

مارکوس راشفۆرد، هێرشبەری مانچێستەر یونایتد ئامادەیە مووچەکەی کەمبکاتەوە و ببێتە یاریزانی بارسێلۆنا – دەیلی ستار

ئەگەر ئاندرێس کریستیێنسن، بەرگریکاری دانیمارکی بارسێلۆنا جێبهێڵێت، بارسا دەتوانێت راشفۆرد بگوازێتەوە – موندۆ دێپۆرتیڤۆ

مانچێستەر یونایتد بەرپرسانی چێڵسی ئاگادارکردووەتەوە، لە دۆخی کریستۆفەر ئێنکونکو ئەپدەیت بکرێتەوە – ESPN

جیۆڤانی مانا، بەڕێوەبەری وەرزشی ناپۆلی دووپاتیدەکاتەوە؛ یانەکەی گرنگی بە ئالێخاندرۆ گارناچۆ، یاریزانی مانچێستەر یونایتد و کەریم ئادیێمی، هێرشبەری بۆڕووسیا دۆرتموند داوە – دازن

مانچێستەر یونایتد ئۆفەرێکی دیکەی بۆ گواستنەوەی پاتریک دۆگرو بەبڕی 27 ملیۆن پاوەند پێشکەشی لێچی کردووە – تۆک سپۆرت

نیوکاسڵ یونایتد ئامادەکاری بۆ نوێکردنەوەی گرێبەستی ئالێکساندەر ئیزاک دەکات – تێلێگراف

ریال مەدرید لە نزیکەوە چاودێری جۆن دوران، هێرشبەری ئاستۆن ڤیلا دەکات – فووت مێرکاتۆ

بێنیامین شێشکۆ، هێرشبەری سلۆڤینی و لایزپیگ دەیەوێت پەیوەندی بە ئارسیناڵەوە بکات، هەرچەندە لەلایەن چێڵسی و مانچێستەر یونایتدیش لەسەرهێڵن – تۆک سپۆرت

ئێمیلیانۆ بوێندیا، ناوەڕاستکاری ئاستۆن ڤیلا بووەتە ئامانجی بایەر لیڤەرکوزن – سکای سپۆرتس

خۆزێ مۆرینیۆ، راهێنەری فەنەرباچێ داوای گواستنەوەی ئانسو فاتی، هێرشبەری بارسێلۆنا بەخواستن دەکات – ئاس

چێڵسی بە ئۆفەری لازیۆ بۆ گواستنەوەی سێزاری کاسادێی بەبڕی 12 ملیۆن یۆرۆ رازیبووە – سپۆرت ئیتاڵیا