یاریگا –
كیلیان ئێمباپێ، ئەستێرەی فەڕەنسی یانەی ریال مەدریدی ئیسپانی لە دوای هاتریكەكەی بەرامبەر ریال ڤایادۆلید چەند ژمارەیەكی پێوانەیی بەناوی خۆیەوە كرد.
شەوی رابردوو رایۆ ڤاییكانۆ لە یاریگای خۆیدا میوانداری ریال مەدریدی كرد و یارییەكەش بە ئەنجامی سێ گۆڵی بێ وەڵام لە بەرژەوەندی یانەی میوان كۆتایی هات، لە میانی یارییەكانی هەفتەی 21ی لالیگای ئیسپانیا.
هەر سێ گۆڵەكەی مەدرید لەلایەن كیلیان ئێمباپێ لە خولەكەكانی 30, 57 و 91ەوە تۆمار كرا.
🏁 @RealValladolid 0-3 @RealMadrid
⚽ 30′ @KMbappe
⚽ 57′ @KMbappe
⚽ 90’+1′ @KMbappe (p.)@Emirates pic.twitter.com/xWrcESU5RQ— Real Madrid C.F. (@realmadrid) January 25, 2025
ژمارە پێوانەییەكانی ئێمباپێ دوای هاتریكەكەی بەرامبەر ڤاییكانۆ:
هاتریكەكەی كیلیان یەكەم هاتریكی یاریزانەكە بوو لەگەڵ ریال مەدرید.
كیلیان ئێمباپێ بوو بە یەكەم یاریزان لە دەرەوەی یاریگای سانتیاگۆ بێرنابیۆ هاتریک بۆ مەدرید لە لالیگا بكات، لە دوای كریستیانۆ رۆناڵدۆ بەرامبەر ئاتلێتیكۆ مەدرید لە ساڵی 2016.
ئێمباپێ بە 10هاتریک لە ریزبەندی حەوتەمی ئەو یاریزانانەدایە كە زۆرترین هاتریكیان لە خولە بەهێزەكانی ئەوروپا كردووە.
لە پلەی یەكەم بە 39 هاتریك كریستیانۆ رۆناڵدۆ دێت و لە پلەی دووەمیش لیۆنێل مێسی دێت.
بەو سێ گۆڵە كیلیان ژمارەی گۆڵەكانی لە لالیگا گەیاندە 15 گۆڵ و بە جیاوازی گۆڵێك لە دوای رۆبێرت لیڤاندۆڤسكی یەكەمەوەیە.
