دەنگۆکانی مێرکاتۆ؛ بارسێلۆنا واز لە هێرشبەرێک ناهێنێت

یاریگا –

ئاستۆن ڤیلا گواستنەوەی گۆڵکارێکی پرێمەرلیگ نزیکە، بارسێلۆنا هیوای بە گواستنەوەی راشفۆرد ماوە و چێڵسی لە گواستنەوەی یاریزانێکی مانچێستەر یونایتد نزیکە…

ئاستۆن ڤیلا بەڕوونی گرنگی خۆی بۆ گواستنەوەی ماتیوس کونیا، هێرشبەری وۆڵڤز پیشانداوە، ئێستا کونیا لە راداری یانەکانی نۆتینگهام فۆڕێست، چێڵسی، ئارسیناڵ، تۆتنهام و مانچێستەر یونایتدە – دەیلی مەیڵ

بارسێلۆنا زۆر حەز بە گواستنەوەی مارکوس راشفۆرد، هێرشبەری مانچێستەر یونایتد دەکات، بەڵام بەهۆی نەبوونی پارەی بەردەست، ناتوانێت هیچ هەنگاوێک بنێت – ESPN

مانچێستەر یونایتد ئامادەکاری بۆ پێشکەشکردنی دووەم ئۆفەر بۆ گواستنەوەی پاتریک دۆرگو دەکات، دوای ئەوەی ئۆفەری یەکەم بەبڕی 25 ملیۆن پاوەند رەتکرایەوە – فابریزیۆ رۆمانۆ

روبن ئامۆریم، راهێنەری مانچێستەر یونایتد بە کەمی تەرخانکردنی بوودجەی گواستنەوەی یاریزانان نیگەرانە – مانچێستەر ئیڤینینگ نیوز

نەسڕ هەوڵەکانی بۆ گواستنەوەی جۆن دوران، ئەستێرەی ئاستۆن ڤیلا دەستپێکردووە – تێلێگراف

وێستهام یونایتد دەیەوێت براین بڕۆبێی، هێرشبەری ئەیاکس بەخواستن بگوازێتەوە، بەڵام یانە هۆڵەندییەکە دەیەوێت بەهەمیشەیی دەستبەرداری یاریزانەکە ببێت – فابریزیۆ رۆمانۆ

ریال مەدرید گفتوگۆی سەرەتایی لەگەڵ بایرن میونشن بۆ گواستنەوەی جۆشوا کیمیچ دەستپێکردووە – بیڵد

ئالێخاندرۆ گارناچۆ پەیوەندی بە چێڵسییەوە دەکات، دوای وەستانی گفتوگۆکانی لەگەڵ ناپۆلی – تیم تۆک

ئارسیناڵ هیچ ئۆفەرێکی فەرمی بۆ دەستبەرداربوون لە ئۆلێکساندر زینچێنکۆی پێنەگەیشتووە – سکای سپۆرتس

برایتن ئەمڕۆ بڕیاری کۆتایی لەسەر چارەنووسی ئیڤان فێرگسن، هێرشبەری ئایرلاندی دەدات، چەندین یانەی پرێمەرلیگ داوایانکردووە – دەیلی مەیڵ

دێپۆرتیڤۆ لاکۆرونا، ئۆفەرێکی فەرمی چێڵسی بۆ گواستنەوەی یێرێمای هێرناندێز رەتدەکاتەوە – فابریزیۆ رۆمانۆ

عەلی حەمادی. هێرشبەری ئیپسویچ تاون، پشکنینی پزیشکی لە ستۆک سیتی تێپەڕاند و تاوەکو کۆتایی وەرز یاری بۆ یانەکە دەکات – سکای سپۆرتس

بارسێلۆنا چاودێری مورییۆ، بەرگریکاری نۆتینگهام فۆڕێست دەکات، یانەکانی چێڵسی و یوڤێنتوسیش بۆ گواستنەوەی بەرگریکارە بەڕازیلییەکە لەسەرهێڵن – سپۆرت

ئاستۆن ڤیلا پلانی بۆ گواستنەوەی سەمیح کڵچسۆی، هێرشبەری بێشیکتاش داڕێشتووە – فووتبۆڵ ئینسایدەر