یاریگا –
ماوەی دووركەوتنەوەی ئالفۆنسۆ دەیڤز ئەستێرەی كەنەدی یانەی بایرن میونشنی ئەڵمانی ئاشكرا كرا.
لە یارییەکانی گەڕی حەوتەمی چامپیۆنزلیگ، بایرن میونشن بووە میوانی فاینۆردی هۆڵەندی، 3-0 یارییەکەی دۆڕاند و تووشی شکستێکی سەخت بوو.
لە خولەکی 51 ئالفۆنسۆ دەیڤزی کەنەدی و بەرگریکاری یانە باڤارییەکە تووشی پێکان بوو، بەو هۆیە یاریگای جێهێشت و رافایێل گوێرێرۆ چووە شوێنی.
پاش یارییەکە ماکس ئیبەرل، بەڕێوبەری وەرزشی بایرن میونشن پشیڕاستیکردەوە کە دەیڤز تووشی پێکان بووە، بەڵام پێکانەکەی مەترسیدار نییە.
پێکانەکەی ئالفۆنسۆ دەیڤز ماسولکەییە، پێناچێت پێکانێکی مەترسیدار بێت. بەڵام پێویستە هەندێک پشوو بدات.
🚨🔴 Alphonso #Davies will be sidelined for 4-6 weeks due to his hamstring strain, as reported by BILD and now confirmed.@Sky_Torben | @SkySportDE 🇨🇦 pic.twitter.com/6VYAA6M835
— Florian Plettenberg (@Plettigoal) January 24, 2025
بە گوێرەی زانیارییەكانی فلۆریان پلێتنبێرگ لە تۆڕی سكای ئەڵمانیا، ئالفۆنسۆ دەیڤز بەهۆی پێكانەكەیەوە بۆ ماوەی 4 تاوەكو 6 هەفتە لە یاریگاكان دووردەكەوێتەوە.
