یاریگا –
سبەی کاتژمێر 23:00 بەکاتی کوردستان ریال مەدرید لە یارییەکانی گەڕی 21ـی لالیگا دەبێتە میوانی ریال ڤایدۆلید.
کارلۆ ئانچێلۆتی راهێنەری ریال مەدرید کەمێک لەمەوبەر لە کۆنگرەی رۆژنامەوانی پێش یارییەکە وەڵامی چەند پرسیارێکی گرنگی رۆژنامەنووسانی دایەوە.
ڤینیسیۆس دەچێتە سعوودیە؟
زانیاری راستەوخۆم لەسەر ئەو بابەتە ئەوەیە ڤینی لە ریال مەدرید زۆر دڵخۆشە و دەیەوێت لەگەڵ یانەکەی مێژوو بنوسێتەوە.
یارییەکەی سبەی؟
ئێستا پێشەنگی لالیگاین، پێویستە لەسەر ئەم رێچکەیە بەردەوامبین و سبەی بردنەوە بەدەستبهێنین. یارییەکە گرنگە بۆیە باشترین پێکهاتە دەستنیشان دەکەم.
رودی گارسیا بووەتە راهێنەری بەلجیکا، کۆرتوا دەگەڕێتەوە؟
ئەگەر کۆرتوا بیەوێت یاری بۆ بەلجیکا بکاتەوە ئێمە کێشەمان نابێت، پێویستە لەگەڵ راهێنەری نوێ باسی بابەتەکە بکات.
فێدێریکۆ ڤالڤێردی؟
کامڵترین یاریزانی جیهانە. دەتوانێت لە چەندین شوێنی جیاواز یاریی بکات و هەمیشە ئاستی بەرزە. هەرگیز ناپرسێت لەکوێ یاریی دەکەم ئەمەش هێزی خۆیەتی، بۆیە کامڵترین یاریزانی ئێستای جیهانە. تەنانەت دەتوانێت لە دڵی بەرگریش بەبێ کێشە یاریی بکات.
سێبایۆس؟
لەم ماوەیەدا یاریزانێکی زۆر گرنگ بووە و گەیشتووەتە باشترین وەشانی خۆی. تیپەکە لەگەڵ ئەو باشتر یاریی دەکات. دەتوانێت لە یارییە گەورەکانیش یاریی بکات.
چوامینی؟
چوامین بەتەواوی چاکبووەتەوە و دەتوانێت یاریی بکات
کاماڤینا؟
کاماڤینگا بەرەوباشبوون دەچێت و رەنگە هەفتەی داهاتوو یاریی بکات.
