فەرمی؛ بارسێلۆنا گرێبەستی یاریزانێکی دیکەی نوێکردەوە
یاریگا –
بەشێوەیەکی فەرمی بارسێلۆنا گرێبەستی جێرارد مارتینی تاوەکو هاوینی 2028 نوێکردەوە.
ماڵپەڕی فەرمی بارسێلۆنا بڵاویکردووەتەوە، بەشێوەیەکی فەرمی لەگەڵ جێرارد مارتین گەیشتوونەتە رێککەوتن و گرێبەستی بەرگریکارە ئیسپانییەکەیان تاوەکو هاوینی 2028 نوێکردووەتەوە.
💙 𝐆𝐄𝐑𝐀𝐑𝐃 𝐌𝐀𝐑𝐓𝐈́𝐍 𝟐𝟎𝟐𝟖 ❤️ pic.twitter.com/qGsVgVKNoP
— FC Barcelona (@FCBarcelona_es) January 24, 2025
بەرگریکارە 22 ساڵانییەکە لە ئەکادیمیای کۆرنێییا پێگەیشتووە، هاوینی 2023 پەیوەندی بە لاوانی بارسێلۆنا کردووە و لە هاوینی رابردوو بۆ تیپی یەکەمی یانە کاتالونییەکە سەرخرا.
جێرارد لەم وەرزە بە درێسی بارسێلۆنا لە سەرجەم پاڵەوانێتییەکان بەشداری 18 یاریی کردووە. بەشێوەیەکئ گشتی 753 خولەک یاریی کردووە و دوو گۆڵی دروستکردووە.
بارسا هەڵمەتی نوێکردنەوەی گرێبەستی یاریزانەکانی دەستپێکردووە. دوێنێ پێنجشەممە بەفەرمی گرێبەستی رۆناڵد ئاراوخۆی نوێکردەوە و پلانی داڕشتووە بەم زووانە گرێبەستی پێدری، گاڤی و لامین یامالیش نوێبکاتەوە.
