یاریگا –
یانەی ڤایادۆلیدی ئیسپانی هەڕەشەی تۆمارکردنی سکاڵا دەکات لە یانەی مانچێستەر سیتی.
بەگوێرەی بەیاننامەیەکی فەرمی یانە ئیسپانیەکە لە پێگەی فەرمی خۆیانەوە، سیتی تۆمەتبار دەکەن بە هەوڵی تاکلایەنە بۆ رازیکردنی جوما با، بەرگریکاری سیرالیۆنی تا گرێبەستەکەی لەگەڵ ڤایادۆلید هەڵبوەشێنێتەوە و پەیوەندی بە یانە ئینگلیزیەکەوە بکات.
گەیشتنی بە ئاستی سکاڵای یاسایی لەسەر سیتیزنس لەلایەن ڤایادۆلیدەوە دوای ئەوە هات کە بەرگریکارە 18 ساڵانەکەیان سەرلەبەیانی ئەمڕۆ ئامادەی پابەندییەکانی نەبووە و بەشداریی راهێنانەکانی نەکردووە. نیازی تاکلایەنەی خۆیشی راگەیاندووە کە دەیەوێ گرێبەستەکەی هەڵبوەشێنێتەوە.
وەک لە بەیاننامە هۆشداریئامێزەکەی یانە ئیسپانیەکەدا هاتووە، مان سیتیە نیازەکانی جومای گۆڕیوە بۆ هەڵوەشاندنەوەی گرێبەستەکەی.
𝗖𝗢𝗠𝗨𝗡𝗜𝗖𝗔𝗗𝗢 𝗢𝗙𝗜𝗖𝗜𝗔𝗟
Abdulai Juma Bah.https://t.co/XwU4wdk1mq— Real Valladolid C.F. (@realvalladolid) January 22, 2025