دەنگۆکانی مێرکاتۆ؛ ئارسیناڵ وێڵە بەدوای هێرشبەرێک و راشفۆرد داواکراوی سەرەکییە

یاریگا –

نۆتینگهام فۆڕێست داوای گواستنەوەی هێرشبەرێکی ئاست بەرز دەکات، ئارسیناڵ هەوڵ بۆ هێرشبەرێکی گەورەی پرێمەرلیگ دەکات و چێڵسی چاوی بڕیوەتە ئەستێرەیەکی مانچێستەر یونایتد…

نۆتینگهام فۆڕێست سەرنجی تەواوی خۆی لەسەر گواستنەوەی ماتیوس کونیا، هێرشبەری وۆلڤز داناوە – دەیلی مەیڵ

ئاریسناڵ لەلایەکی دیکەوە کار لەسەر رازیکردنی کونیا دەکات، بەڵام وۆڵڤز بڕیاری کۆتایی نەداوە – فیچاخێس

چێڵسی گفتوگۆکان بۆ گواستنەوەی ئالێخاندرۆ گارناچۆ لەگەڵ مانچێستەر یونایتد دەستپێدەکات، بەهای گواستنەوەی دەگاتە 50 ملیۆن پاوەند – تێلێگراف

مان یونایتد بە فەرمی داوای روونکردنەوەی دۆخی میلۆس کێرکێزی لە بۆرنمس کردووە، لەلایەکی دیکەوە هەڵسەنگاندن بۆ گواستنەوەی تیریک میشێل، بەرگریکاری کریستال پاڵاس و رەیان ئایەت نوری، بەرگریکاری وۆڵڤز دەکات – I

گراهام پۆتەر، راهێنەری نوێی وێستهام یونایتد داوای گواستنەوەی بەرگریکارێک و هێرشبەرێکی لە دەستەی کارگێڕی کردووە – فووتبۆڵ ئینسایدەر

چێڵسی داوای بڕی 70 ملیۆن پاوەند بۆ دەستبەرداربوون لە کریستۆفەر ئێنکونکو دەکات، بایرن میونشن ئامادەیە بیگوازێتەوە – سکای سپۆرتس

ئانتۆنی، یاریزانی مانچێستەر یونایتد ئەمڕۆ پەیوەندی بە ریال بێتیس دەکات – سکای سپۆرتس

تۆتنهام و لایپزیگ دوو سەرەکیترین رکابەرن لەسەر گواستنەوەی تایلەر دیبڵینگ، ناوەڕاستکاری ساوسامتن – سکای سپۆرتس

یوڤێنتوس و بۆڕووسیا دۆرتموند هەوڵەکانیان بۆ گواستنەوەی رێناتۆ ڤێیگا، بەرگریکاری 21 ساڵەی چێڵسی زیادکردووە – تایمز

ئۆڵێمپیک مارسیلیا جارێکی دیکە هاوتووەتە نێو رکابەرییەکانی گواستنەوەی مارکوس راشفۆرد، یاریزانی مانچێستەر یونایتد – لیکیپ

مۆناکۆ تاوەکو ئێستا ئامادەیە راشفۆرد بە خواستن بگوازێتەوە، تەنانەت مووچەی هەفتانەی دەکاتە 315 هەزار پاوەند – سەن

فولهام پرسیاری دۆخی ئێستای ئێمێرسن رۆیاڵی لە ئەیسی میلان کردووە، لە ئەگەری گواستنەوەی کایڵ وۆڵکەر بۆ سان سیرۆ، کار لەسەر رۆیاڵ دەکرێت – تایمز

مانچێستەر سیتی بە زارەکی لەگەڵ ریال ڤۆیادۆلید بۆ گواستنەوەی جومعە با، بەرگریکاری سێرا لیۆنی رێککەوتووە – فابریزیۆ رۆمانۆ

پۆڵ پۆگبا ئۆفەری یانەیەکی رووسیای رەتکردووە – تویچ

دێربی کاونتی ئۆفەرێکی فەرمی برایتنی بۆ گواستنەوەی ئیران کاشین رەتکردەوە – سکای سپۆرتس