یاریگا –
دانیلۆ لویز دا سیلڤا دوای 12 ساڵ یاریکردن لە ئەوروپا کۆتایی بە گەشتەکەی دەهێنێت لەو کیشوەرە و دەگەڕێتەوە بۆ بەڕازیل.
دانیلۆ کە ئێستا لە یانەی یوڤێنتوسە، بەشێک نییە لە پلانەکانی تیاگۆی مۆتای راهێنەر کە ئەم هاوینە پۆستی راهێنەرایەتی خانمە پیرەکەی وەرگرت و دەیەوێ یۆڤی نوێبکاتەوە.
بەگوێرەی زانیارییەکانی فابریزۆ رۆمانۆ، دانیلۆ بڕیاریداوە وەک وێستگەی داهاتووی بۆ درێژەدان بە کاروانی یاریکردنی، بگەڕێتەوە بۆ بەڕازی.
هەر بەپێی زانیارییەکانی ئەو رۆژنامەنووسە، ئێستا یانەی فلامینگۆ پێشەنگی ئەو یانانە دەکات بەرگریکارە 33 ساڵانەکە بگوازنەوە بۆ ریزەکانیان.
فابریزۆ ئەوەشی زانیوە کە یانەی سانۆس، یانەی پێشووتری یاریزانە بەڕازیلیەکە پێش ئەوەی بێتە ئەوروپا، ئەوانیش پەیوەندیان کردووە بۆ گواستنەوەی دانیلۆ.
دانیلۆ بۆ یەکەمین جار لە ساڵی 12 لە سانتۆسی وڵاتەکەیەوە پەیوەندی بە پۆرتۆی پۆرتوگالیەوە کرد و سێ ساڵ لەو یانەیە مایەوە پێش ئەوەی بگوازرێتەوە بۆ ریال مەدرید. لەگەڵ شاهانەکانیش تا 2017 مایەوە و دواتر روویکردە یانەی مانجێستەر سیتی. درێژترین ماوەی یاریکردنی لە ئەوروپا لەگەڵ یوڤێنتوس بوو کە لە ساڵی 2019 دەستیپێکرد و تا ئێستاش هەر لەوێیە.
