تەواو؛ بایرن میونشن یاریزانێکی لاوی ئەڵمانی دەباتە ریزەکانی
یاریگا –
بایرن میونشن لەگەڵ تۆم بیشۆف یاریزانی لاوی ئەڵمانی گەیشتە رێککەوتنی کۆتایی، هاوینی داهاتوو ئەو ناوەڕاستکارە لاوە دەبێتە یاریزانی یانە باڤارییەکە.
فلۆریان پلێتینبێرگ رۆژنامەنووسی ئەڵمانی ئاشکرایکردووە، بایرن میونشن لەگەڵ تۆم بیشۆف ناوەڕاستکاری 19 ساڵانی هۆفینهایم گەیشتووەتە رێککەوتن، هاوینی داهاتوو بیشۆف بۆ ماوەی چوار ساڵ تاوەکو هاوینی 2029 دەبێتە یاریزانی بایرن میونشن.
🚨🏁 All done and sealed. Tom #Bischof will join FC Bayern in summer as a free agent as exclusively revealed on Wednesday.
19 y/o top talent from TSG Hoffenheim has passed his medical and signed a long-term contract at least until 2029. Announcement today. @SkySportDE 🇩🇪 pic.twitter.com/qawL3znYHZ
— Florian Plettenberg (@Plettigoal) January 21, 2025
پلێتینبێرگ راشیگەیاندووە، بیشۆف پشکنینە پزیشکییەکانی بە سەرکەوتوویی تێپەڕاندووە و ئەمڕۆ بایرن میونشن گرێبەستەکەی رادەگەیەنێت و ڤینسێنت کۆمپانی نایەوێت هاوینی داهاتوو ئەو یاریزانە بە خواستن بەڕێبکەن، بەڵکو لە بایرن دەمێنێتەوە.
ئەو ناوەڕاستکارە 19 ساڵانە ئەڵمانییە، تا کۆتایی ئەم وەرزە لە هۆفینهایم بەردەوام دەبێت و هاوینی داهاتوو کە گرێبەستەکەی لەگەڵ یانەکەی کۆتایی دێت، بە گرێبەستێکی ئازاد روودەکاتە ریزەکانی بایرن میونشن.
بیشۆف لە بۆرسەی یاریزانان نرخەکەی 12 ملیۆن یۆرۆیە و بە درێسی تیپی یەکەمی هۆفینهایم لە 53 یاری 2 گۆڵ و 5 ئەسیستی کردووە و بە یەکێک لە باشترین یاریزانە بەهرەمەندەکانی ئەڵمانیا دادەنرێت.
