تەواو؛ ئەلفۆنسۆ دەیڤز لە نێوان ریال مەدرید و بایرن میونشن بڕیاری کۆتایی خۆی دا
یاریگا –
ئەلفۆنسۆ دەیڤز لە نێوان ریال مەدرید و بایرن میونشن بڕیاری کۆتایی خۆی دا و بڕیاریداوە گرێبەستەکەی لەگەڵ یانە باڤارییەکە نوێبکاتەوە.
رۆژنامەی مارکای ئیسپانی ئاشکرایکردووە، ئەلفۆنسۆ دەیڤز بڕیاریداوە گرێبەستەکەی لەگەڵ بایرن میونشن نویىکاتەوە و بە دوایین ئۆفەری یانە ئەڵمانییەکە رازی بووە، بۆ ئەوەی گرێبەستەکەی نوێىکاتەوە، ریال مەدرید لە گواستنەوەی ئەو بەرگریکارە کەنەدییە بێ هیوا بووە.
دەیڤز (24 ساڵان) کە هاوینی داهاتوو گرێبەتسەکەی لەگەڵ بایرن میونشن کۆتایی دێت، رازی بووە بە مووچەی ساڵانەی 15 ملیۆن یۆرۆ گرێبەستەکەی تاوەکو هاوینی 2030 لەگەڵ بایرن نوێبکاتەوە.
🚨🚨 Alphonso Davies no fichará por el Real Madrid: renovará por el Bayern
✍️ Informa @jfelixdiaz https://t.co/W6lNnMOwTo
— MARCA (@marca) January 21, 2025
خۆسیێ فیلێکس دیاز رۆژنامەنووسی بەناوبانگی ئیسپانی و پەیامنێری رۆژنامەی مارکا ئاشکرایکردووە، ریال مەدرید بە تەواوەتی لە گواستنەوەی دەیڤز بێ هیوا بووە، لەکاتێکدا زیاتر لە ساڵێکە دارامای دەنگۆکانی چوونی دەڤیز بۆ ریال مەدرید لە ئارادایە.
🚨🔴 EXCL detail | Alphonso #Davies is now on the verge of extending his contract with FC Bayern until 2030, as revealed on Friday.
The new term (previously, negotiations focused on 2029) has been the key detail leading to the breakthrough.
Salary: approximately €15m gross,… pic.twitter.com/7dcKCL3BuU
— Florian Plettenberg (@Plettigoal) January 21, 2025
فلۆریان پلێتینبێرگ رۆژنامەنووسی ئەڵمانی و پەیامنێری کەناڵی سکای سپۆرتسی ئەڵمانی رایگەیاندووە، بەمزووانە دەیڤز واژۆ لەسەر گرێبەستە نوێیەکەی دەکات و بایرن بەفەرمی مانەوەی بەرگریکارە کەنەدییەکە لە یانەکەی رادەگەیەنێت.
دەیڤز لەوەتەی سەرەتای ساڵی 2019 لە بایرن میونشن یاریی دەکات و لە 219 یاری 12 گۆڵ و 34 ئەسیستی بە درێسی باڤارییەکان کردووە.
