هیلال گرێبەستی لەگەڵ یاریزانێکی بەڕازیلی واژۆ کرد
یاریگا –
یانەی هیلالی سعودی بە بڕی 9 ملیۆن یۆرۆ کایۆ سێزاری، لە یانەی ڤیتۆریا گویمارێش گواستەوە ریزەکانی.
بە گوێڕەی هەواڵێکی فابریزیۆ رۆمانۆ، رۆژنامەنوس و شارەزا لە بواری گواستنەوەی یاریزانان ئاشکرای کرد، گواستنەوەی کایۆ سیزار، یاریزانی باڵی بەڕازیلی لە یانەی ڤیتۆریا گویمارێشی پۆرتوگالی بۆ یانەی هیلال لە سعودیە بە بڕی 9 ملیۆن یۆرۆ تەواو بووە.
🔵🇸🇦 Kaio César, set to join Al Hilal from Vitória SC as verbal agreement has been reached for €9m fee.
Final details being discussed while clubs prepare all documents, then deal sealed. pic.twitter.com/C1mGNpivwN
— Fabrizio Romano (@FabrizioRomano) January 19, 2025
دوێنێ دووشەممە لە پاریسی پایتەختی فەڕەنسا، بە ئامادەبوونی فەهد بن نافل، سەرۆکی هیلال و ئیدارەی یانەکە گرێبەستی ئەو یاریزانە تەمەن 20 ساڵەیان بۆ سێ وەرزی داهاتوو واژۆکرد.
بەگوێرەی ئەو سەرچاوانە، یانەی کوریتیبای بەڕازیلی کە تیپی یەکەمی سیزارە، لەم گواستنەوەیەدا بڕی سێ ملیۆن و 600 هەزار یۆرۆ وەردەگرێت، کە دەکاتە 40%ی خاوەندارێتی یاریزانەکە.
شایەنی باسە ڤیتۆریا گویمارێش لە مانگی یەکی ساڵی رابردوودا بەشێوەی خواستن لە کوریتیبا سێزاری گواستبووە لەگەڵ بڕگەی کڕینی لە مانگی تەمموزی داهاتوو بە بڕی یەک ملیۆن و نیو یۆرۆ.
