کێشەی گرێبەستەکانی لیڤەرپوول کەڵەکەدەبن

یاریگا –

ئیبراهیما کۆناتێ، بەرگریکاری لیڤەرپوول تاوەکو ئێستا بڕیاری نوێکردنەوەی گرێبەستەکەی نەداوە.

تەنیا 18 مانگ بۆ بەسەرچوونی گرێبەستی کۆناتێ لە لیڤەرپوول ماوە، هەرچەندە رێدز ئۆفەرێکی بۆ نوێکردنەوەی گرێبەستەکەی پێشکەشی بەرگریکارە فەڕەنسییەکە کردووە، بەڵام هیچ پێشڤەچوونێک رووینەداوە.

لیڤەرپوول نایەوێت سیناریۆی نوێکردنەوەی گرێبەستی محەمەد سەڵاح، ڤیرجیڵ ڤان دایک و ترێنت ئالێکساندەر ئارنۆڵد دووبارەبکاتەوە.

کۆناتێ لە پرێس کۆنفڕانسی پێش یارییەکەی ئەمشەویان بەرامبەر لیل لە چامپیۆنزلیگ، گەیشتنی پڕوپۆزەڵی لیڤەرپوولی ئاشکراکرد.

بەڵێ، ئۆفەرێکی نوێم پێگەیشتووە، قسەم لەگەڵ یانە کردووە و ئێستا سەرنجی تەواوم لەسەر یارییەکانە، با بزانین لە داهاتوودا چی روودەدات.

کۆناتێ لەگەڵ ڤان دایک، دوو بژاردەی سەرەکی ئارنە سڵۆت، راهێنەری لیڤەرپوولن لەم وەرزەدا. کۆناتێ لە هاوینی ساڵی 2021 لە لایپزیگەوە پەیوەندی بە لیڤەرپوول کرد، تاوەکو ئێستا 66 یاریی کردووە و خاوەنی تەنیا یەک گۆڵە.