سێسک فابرێگاس یاریزانێكی بارسێلۆنای دەوێت
یاریگا –
سێسک فابرێگاس، راهێنەری ئیسپانی یانەی كۆمۆی ئیتاڵی دەیەوێت تواناكانی ئێریگ گارسیا یاریزانی یانەی بارسێلۆنای ئیسپانی بەدەستبهێنێت.
ئێریک گارسیا لە هاوینی ساڵی 2021 لە ریزەكانی مانچێستەر سیتیەوە پەیوەندی بە بارسێلۆناوە كرد.
گرێبەستەكەی گارسیا لەگەڵ بارسێلۆنا لە هاوینی ساڵی 2026 بەسەردەچێت.
وەرزی رابردوو یاریزانە تەمەن 24 ساڵانەكەی بلاوگرانا لە ریزەكانی جیڕۆنای ئیسپانی بەشێوەی خواستن یاریی دەكرد.
Dall’uscita di #Audero alla situazione di #Fresneda: il punto sul mercato del #Como https://t.co/CcH2KjgMEs
— Gianluca Di Marzio (@DiMarzio) January 20, 2025
بە گوێرەی زانیارییەكانی جیانلوكا دی مارزیۆ، یانەی كۆمۆی ئیتاڵی دەیەوێت تواناكانی ئێریک گارسیا بەدەستبهێنێت.
ئاماژە بەوەشكراوە، فابرێگاس راهێنەری كۆمۆ بە ئیدارەی یانەكەی راگەیاندووە دەیەوێت گرێبەست لەگەڵ گارسیا واژۆ بكەن و یانەكەش ئامادەیە 10 ملیۆن یۆرۆ لە پێناو گواستنەوەی خەرج بكات.
لەلایەكی دیكەوە ماتیۆ مۆریتۆ لە تۆڕی رێلیڤۆ ئاشكرایكرد، جیرۆنا و كۆمۆ لە كێبڕكێی بەدەستهێنانی تواناكانی ئێریک گارسیادان, یانە ئیتاڵییەكە 7 ملیۆن بۆ گواستنەوەی خەرج دەكات، بەڵام یاریزانەكە جیڕۆنا هەڵدەبژێرێت.
گارسیا لەگەڵ بارسێلۆنا 86 یاریی كردووە، توانیویەتی دوو گۆڵ بكات و سێ گۆڵیش درووست بكات.
