یاریگا-
دەنگۆی تازەنەکردنەوەی گرێبەستەکەی لەگەڵ هیلال، باسی گەرمی ئەم رۆژانەی هەواڵەکانی تایبەت بە نێیمارە لە جیهاندا.
بە پێی سایتی پێکس کە سەرچاوەیەکی باوەڕپێکراوی بەرازیلە، نێیمار بە شێوەی خواستن تا کۆتایی وەرز پەیوەندی بە یانەی سانتۆسی بەرازیلیەوە دەکات.
Santos fecha acordo para a volta de Neymar.https://t.co/Imj6wAtmWA
— Diário do Peixe (@diariodopeixe) January 19, 2025
بە پێی ئەو سەرچاوەیە باوکی نێیمار لەگەڵ سەرۆکی سانتۆس لەسەر بڕی گرێبەستەکە رێککەوتن و تەنیا راگەیاندنی فەرمی ماوە.
لە کۆتایی ئەم وەرزەدا گرێبەستەکەی نێیمار لەگەڵ هیلال کۆتایی دێت، دوای ئەوەی جیسۆس راهێنەری یانەیە سعودییەکە ئاشکرای کرد، کە پشت بە نێیمار نابەستێت لەم وەرزەدا، هەر بۆیە یاریزانە بەرازیلییەکە دەیەوێت لە ماوەی ئەم چەند مانگەی کە لە گرێبەستەکەیدا ماوە، یاری بۆ سانتۆسی بەرازیلی بکات، تاوەکو داهاتووی خۆی بەیەکجاری یەکلادەکاتەوە.
