یاریگا –
روبن ئامۆریم دوای شکستکەی ئەمشەویان لەنێو یاریگای ئۆڵدترافۆرد بەرامبەر برایتن، لێدوانێکی پڕ مشتومڕی دا و تیمەکەی بە خراپترین تیمی مێژووی مانچێتستەر یونایتد ناوزەدکرد.
کوڕانی ئامۆریم لەسەردەستی میوانەکەیان 1-3 دۆڕان و ریکۆردی زۆر خراپیان تۆمارکرد.
ئەو ئامارە خراپەی 132 ساڵە لە مێژووی مانچیستەر یونایتدا رووینەداوە، ئەمشەو رووی دا – Yariga
راهێنەرە پۆرتوگالییەکە کە دوای چەند هەفەتەیەک دەستپێکی ئەم وەرزە لە شوێنەکەی ئێریک تێن هاخ دەستنیشانکرا، دوای شکستەکەی براین وتی
لە کۆتا 10 یاریی پرێمەرلیگدا 2 یاریمان بردووەتەوە. من ئەوە دەزانم. بهێننە پێش چاوی خۆتان ئەوە دەبێ چۆنبێ لای هاندەرانی مانچێستەر یونایتد، دەبێ چۆنبێ بۆ من کاتێک وەک لە راهێنەری پێش خۆت زیاتر دەدۆڕێیت، من هەموو تێگەشتنێکم بۆ ئەوە هەیە. بەڵام ناگۆڕیم، هەرچیش رووبدات. دەزانم کە دەتوانین سەربکەوین، بەڵام دەبێ ئەم چرکەساتانە راستبکەینەوە. من ساویلکە نیم، دەبێ هەستینەوە.
دەربارەی تیمەکەشی وتی
رەنگە لە مێژووی مانچێستەر یونایتدا ئێمە خراپترین تیم بین. دەزانم ئێوەی مێدیاکار سەردێڕتان دەوێ، بەڵام وادەڵێم چونکە دەبێ ددانی پێدابنێم تا بتوانین گۆڕانکاریی بکەین. بۆیە فەرموون، ئەوەش سەردێڕ بۆ هەواڵەکانتان.
یاریی داهاتووی مان یونایتد پێنجشەممەی ئەم هەفتەیە بەرامبەر رەنجەرزی سکۆتلەندی لە میانی یارییەکانی یۆرۆپالیگ. یەکشەممەی داهاتووش دەبنە میوانی فوڵهام کە ئەم وەرزە یانە لەندەنییەکە وەک رکابەرێکی بەهێز خۆی پیشانداوە.
🚨 Rúben Amorim: “We’re being the worst team in Man United history and we have to change that”. @BeanymanSports 🎥 pic.twitter.com/XcLPjPg64Y
— Fabrizio Romano (@FabrizioRomano) January 19, 2025
