یاریگا –
پێنج یاریزانی کورد بۆ جامی ژێر 20 ساڵانی ئاسیا بانگهێشتی هەڵبژاردەی لاوانی عێراق کران.
عیماد محەمەد راهێنەری هەڵبژاردەی لاوانی عێراق لیستی کۆتایی هەڵبژاردەی ژێر 20 ساڵانی عێراقی بۆ جامی لاوانی ئاسیا ئاشکراکرد، کە هەریەکە لە سەهەند هەڵگورد، ئارێز خۆشناو، مستەفا قابیل، هەڵگورد قەیس و سیداد حاجی بانگهێشت کراون.
پێنج یاریزانە کوردەکە سەهەند هەڵگورد (نەورۆز)، مستەفا قابیل و هەڵگورد قەیس (هەولێر)، سیداد حاجی (زاخۆ)، ئارێز خۆشناو (هۆنکای فینلەندی) بەشێکن لەو 26 یاریزانەی لەلای عیماد محەمەوە بانگهێشت کراون.
فیدراسیۆنی تۆپی پێی عێراق رایگەیاندووە، رۆژی چوارشەممە شاندی هەڵبژاردەی لاوانی عێراق بەرەو تایلەند گەشت دەکات، لە شاری بانکۆک سێ یاریی دۆستانە و ئامادەکاریی دەکات و لەوێوە خۆی بۆ جامی لاوانی ئاسیا ئامادە دەکات، کە رۆژی 12ـی مانگی داهاتوو لە چین جامی ژێر 20 ساڵانی ئاسیا دەستپێدەکات و تاوەکو رۆژی 3ـی مارس/ئادار دەخایەنێت.
فیدراسیۆنی تۆپی پێی عێراق راشیگەیاندووە، یانەکانی کارەبا و مینا رەتیانکردووەتەوە رێگا بە ئەموری فەیسەڵ و کەرار جەعفەر و موسلیم موسا بدەن بۆ جامی لاوانی ئاسیا پەیوەندی بە هەڵبژاردەی عێراقەوە بکەن.
ئارێز خۆشناو؛ ئەو کوڕە کوردەی بۆیەکەمجار بانگهێشتی لاوانی عێراق کراوە لە چامپیۆنزلیگ یاریی کردووە
