یاریگا –
لە كۆتا یاریی ئەمڕۆی پرێمەرلیگ ئیپسویچ تاون لە یاریگای خۆییدا میوانداری مانچێستەر سیتی دەكات.
وا بڕیارە ئەمڕۆ یەكشەممە كاتژمێر 19:30 بە كاتی كوردستان ئیپسویچ تاون لە یاریگای خۆیدا میوانداری مانچێستەر سیتی بكات، لە میانی یارییەكانی گەڕی 22ی پرێمەرلیگ.
پڕۆفایلی یاری
لە دوای سێ بردنەوەی لەسەر یەك یاریی رابردوو تیمەكەی پێپ گواردیۆلا بە دوو گۆڵ لەگەڵ برێنتفۆرد یەكسان بوون.
مانچێستەر سیتی لەم وەرزەی پرێمەرلیگدا 21 یاریی كردووە و 10 یاریی بردووەتەوە 5 یاریش یەكسان بووە و شەش یاریی دۆڕاوە.
بە كۆكردنەوەی 35 خاڵ لە ریزبەندی حەوتەمی پرێمەرلیگ دێت.
لە بەرامبەردا ئیپسویچ تاون لە 21 یاریی تەنیا سێ یاریی بردووەتەوە و حەوت یاریی یەكسان بووە و یازدە یاریش دۆڕاوە.
بە كۆكردنەوەی 16 خاڵ لە ریزبەندی هەژدەیەمی پرێمەرلیگ دێت.
هەواڵی پێكانی یاریزانەكان
ئیپسویچ تاون بە بێ كۆنۆر چاپلن، ئاكسل توانزیبی، چیدۆزی ئۆگبێنی و سامی سزمۆدێكس رووبەرووی سیتی دەبێتەوە.
لە بەرامبەردا سیتیزن بە بێ روبن دیاز، رۆدری، كایڵ وۆڵكەر، ئۆسكار بۆب رووبەرووی ئیپسویچ دەبێتەوە.
پێکهاتەی پێشبینیکراوی ئیپسویچ تاون
واڵتن
دەیڤز، گرەیڤس، ئۆشێ،كلارک
كاجوستێ، مۆرسی
سترۆمدیكس، هەتچینسن، برێنس
دیلاپ
پێکهاتەی پێشبینیکراوی مانچێستەر سیتی
ئۆرتیگا
ڤاردێۆڵ، ئاكانجی، ئاكێ، لیویس
گوندۆگان، دۆكو، ماكاتێ، فۆدن، بێرناردۆ
هالاند
