وادەی پشکنینی پزیشکی عومەر مەرمووش لە مانچێستەر سیتی راگەیاندرا
یاریگا –
وادەی پشکنینی پزیشکی عومەر مەرمووش لە مانچێستەر سیتی دەستنیشانکرا، هێرشبەرە میسرییەکە دووشەممە لە مانچێستەر دەبێت.
فلۆریان پلێتینبێرگ رۆژنامەنووسی ئەڵمانی لە کەناڵی سکای سپۆرتسی ئەڵمانی ئاشکرایکردووە، رۆژی دووشەممە عومەر مەرمووش هێرشبەری میسری یانەی ئێنتراخت فرانکفۆرتی ئەڵمانی لە مانچێستەر سیتی پشکنینی پزیشکی بۆ دەکرێت بۆ ئەوەی گرێبەستەکەی لەگەڵ مان سیتی واژۆ بکات.
پلێتینبێرگ راشیگەیاندووە، نرخی گرێبەستەکەی مەرمووش 75 ملیۆن یۆرۆ دەبێت و 5 ملیۆن یۆرۆی دیکەش وەکو پاداشت بە مەرجی بەدەستهێنانی چەند دەستکەوتێک لەناو گرێبەستەکەی ئەگەری زیادبوونی هەیە.
🚨🆕 Omar #Marmoush’s medical at Manchester City is scheduled for Monday!
Eintracht Frankfurt remain firm: the clear agreement is that #MCFC will pay €75m guaranteed, plus an additional €5m in bonuses.
The total deal with Man City stands at €80m.@SkySportDE 🇪🇬 pic.twitter.com/7HsAOXW5T7
— Florian Plettenberg (@Plettigoal) January 18, 2025
مەرمووش (25 ساڵان) لەم وەرزە لەگەڵ ئێنتراخت لە سەرجەم پاڵەوانێتییەکان لە 26 یاری 20 گۆڵ و 14 ئەسیستی کردووە، کە لە بۆندسلیگا لە 17 یاری 15 گۆڵ و 10 ئەسیستی کردووە، کە هاوینی 2023 لە فۆلفسبۆرگەوە روویکردە ریزەکانی ئێنتراخت و لە بۆرسەی یاریزانانیش نرخی ئەو یاریزانە 60 ملیۆن یۆرۆیە.
