یاریگا –
ئەنچیلۆتی لەبارەی پشتیوانیکردنی ناوبژیوانانی ئیسپانیا لە ریال مەدرید بە توندی وەڵامی سیمیۆنی دەداتەوە، کە راهێنەرەکەی ئاتلێتیکۆ مەدرید دوای یارییەکەی ریال مەدرید و سێلتاڤیگۆ گوتبووی ‘ئەم شتانە 100 ساڵە روودەدەن’.
دیێگۆ سیمیۆنی راهێنەری ئاتلێتیکۆ مەدرید لەبارەی هەژمار نەکرانی لێدانێکی سزا بۆ سێلتاڤیگۆ لە یاریی بەرامبەر ریال مەدرید لە جامی شای ئیسپانیا گوتبووی :’من سەیری یارییەکەم نەکرد بەڵام پێیان گوتم چی روویداوە، بەڵام نازانم بۆچی شاگەشکە بوون؟ 100 ساڵە ئەم رووداوانە روودەدەن’.
🗣️ Habla Ancelotti en la previa del partido ante Las Palmas: “Creo que todo el mundo del fútbol es consciente de lo que representa el Real Madrid y ha representado en estos 125 años de historia”
👉 #RealMadridLasPalmas pic.twitter.com/FCsaBMO6qU
— MARCA (@marca) January 18, 2025
لە وەڵامی لێدوانەکەی سیمیۆنی لەبارەی پشتیوانیکردنی ناوبژیوانانی ئیسپانیا بۆ ریال مەدرید، کارلۆ ئەنچیلۆتی لە کۆنگرەی رۆژنامەوانی پێش یاریی لاس پالماس بە توندی وەڵامی سیمیۆنی دایەوە و گوتی :’ئەم جۆرە قسانە بۆ خۆنمایشکردن دەکەن، هەمووان باش دەزانن ریال مەدرید بە درێژایی مێژووی 125 ساڵەی چییە، وابزانم ئەمەش بووەتە دڕکێکی ئازاربەخش بۆ هەندێک کەس’.
ریال مەدرید و ئاتلێتیکۆ مەدرید ئەم وەرزە لە لالیگا لە کێبڕکێیەکی سەختدان، ئاتلێتیکۆ بە کۆکردنەوەی 44 خاڵ بووە پاڵەوانی قۆناخی یەکەمی لالیگا و خاڵێک لە پێش ریال مەدریدی دووەمدایە.
