ریال بێتیس هەوڵەکانی بۆ گواستنەوەی ئانتۆنی چڕکردووەتەوە
"ئانتۆنی متمانەی لەدەستداوە"
یاریگا –
ریال بێتیسی ئیسپانی هەموو هەوڵێک دەدات لەم زستانە ئانتۆنی بەڕازیلی بگوازێتەوە.
رۆژنامەنووسی بەریتانی بێن جەیکبز بڵاویکردووەتەوە، ریال بێتیس هەوڵەکانی بۆ گواستنەوەی ئانتۆنی بەشێوەی خواستن چڕکردووەتەوە، بەڵام بۆ ئەوەی گواستنەوەکە سەرکەوتوو بێت، دەبێت مانچێستەر یونایتد بەشێکی مووچەی یاریزانەکە بدات.
Real Betis are actively exploring a move for Antony on loan. It will require Manchester United to pay a significant portion of his wages for a deal to come off.🟢 pic.twitter.com/n5qQYMHP5Z
— Ben Jacobs (@JacobsBen) January 17, 2025
هەفتەی رابردوو تۆڕی سکای سپۆرتس بڵاویکردبووەوە، ریال بێتیس و ئۆڵیمپیاکۆس بۆ گواستنەوەی ئانتۆنی، بە فەرمی ئۆفەریان پێشکەشی مانچێستەر یونایتد کردووە.
مانچێستەر یونایتد بیر لە بژاردەکان دەکاتەوە و لەوانەیە بە خواستن رێگە بە چوونە دەرەوەی بدات.
بێتیس دەیەوێت ئانتۆنی بکاتە شوێنگرەوەی ئاسانێ دیاو، کە بەمدواییە پەیوەندی بە کۆمۆی ئیتاڵییەوە کرد..
ئانتۆنی، 24 ساڵان تاوەکو هاوینی 2027 گرێبەستی لەگەڵ مانچێستەر یونایتد هەیە، بەڵام یانە ئینگلیزەکە بڕیاریداوە لە مێرکاتۆی زستانە دەستبەرداری ئەو هێرشبەرە بەڕازیلییە بێت، کە هاوینی 2022 بەرامبەر 95 ملیۆن یۆرۆ لە ئەیاکس ئامستەردامی هۆڵەندییەوە پەیوەندی بە مان یونایتد کرد.
یاریزانە بەڕازیلییەکە بە درێسی مان یونایتد لە 95 یاری 12 گۆڵ و 5 ئەسیستی کردووە، بە درێسی هەڵبژاردەی بەڕازیلیش خاوەنی 16 یاریی نێودەوڵەتی و 2 گۆڵە.
