یاریگا –
لە ئێستاوە ژمارە “10”ی یانەی بارسێلۆنا بۆ وەرزی داهاتوو دەستنیشانکراوە و درێسە ئەفسووناوییەکە یاریزانی نوێی بۆ پەیدابووە.
لەدوای رۆشتنی لیۆنێل مێسی، بارسا لە مانگی سێپتەمبەری ساڵی 20121 بە باوەڕبوون بە تواناکانی ئانسو فاتی کە ئەوکات وەک لاوێکی بەهرەمەند خۆی بە جیهان ناسی، درێسەکەی بەخشی بە یاریزانە 18 ساڵانەکەی ئەوکات. بەڵام وردە وردە تواناکانی فاتی بە هۆکاری جیاواز رووی لە داکشان کرد و تا ئێستا گەشتووەتە ئەوەی وەک یاریزانی یەدەکیش مامەڵەی لەگەڵدا نەکرێت. بەجۆرێک، وەرزی رابردووی بەخواستن لەگەڵ یانەی برایتن بەسەربرد و، ئەم وەرزەش بەتەواوەتی لەلایەن هانزی فلیکەوە پشتگوێخراوە.
بەگوێرەی زانیارییەکانی جۆتا جۆردی رۆژنامەنووسی ئێل چێرینگیتۆی ئیسپانی، بۆ وەرزی لە وەرزی رابردووەوە لامین یامال درێسی ژمارە 10ی بلاوگرانا دەپۆشێت.
یامال کە تازە تەمەنی 17 ساڵە، دوو وەرزە وەک لاوێکی درەوشاوە خۆی بە جیهانی تۆپی پێ ناساندووە و یاریی لە دوای یاریی وەک رەگەزێکی هەرە کاریگەری یانە کەتەلۆنییەکە دەردەکەوێت.
یامال کە ئێسا ژمارە 19 دەپۆشێت، لە 16 بەشداریی یارییەکانی خولی ئیسپانی خاوەنی 5 گۆڵ و 9 ئەسێستە. لە 5 یاریی چامپیۆنزلیگیش گۆڵێک و 2 ئەسێستی هەیە. یەکشەممەی رابردووش توانای هاوکارێکی گەورەی یانەکەی بێت لە بردنەوە مێژووەییەکەیان لە فیناڵی جامی سوپەری ئیسپانیا کە 5-2 شکستیان بە ریاڵ مەدرید هێنا. گۆڵی یەکەمەی یانەکەی بەشێوازێکی هونەریی جوان لەرێگەی قاچەکانی یامالەوە تۆمارکرا.
🚨 𝗕𝗥𝗘𝗔𝗞𝗜𝗡𝗚: Lamine Yamal will be Barcelona’s number 10 from next season! 🔟✅
(Source: @jotajordi13) pic.twitter.com/AtEefpmJlE
— Transfer News Live (@DeadlineDayLive) January 16, 2025
