یاریگا –
یەکلابوونەوەی دۆخی مارکوس راشفۆرد لە مانچێستەر یونایتد کە بەتەواوی لە پلانەکانی روبن ئامۆریم پشتگوێخراوە، وای لە یانەکانی درەوەی ئینگلتەرا کردووە چاو لە تواناکانی ئەو یاریزانە ببڕن و دۆخەکەی بقۆسنەوە. جگە لە ئەیسی میلان کە لە ماوەی رابردوودا وەک بەهێزترین خوازیاری یاریزانە ئینگلیزیەکە خۆی پیشاندابوو، ئێستا رکابەری دیکەش بۆ گواستنەوەی ناوبراو هاتووەتەپێش.
بەگوێرەی زانیارییەکانی فلۆریان پلێتنبێرگی رۆژنامەنووس لە تۆڕی هەواوڵی سکای کە تۆزێک پێش ئێستا بڵاویکردووەتەوە، یانەی بروسای دۆرتموند لەرێگەی هەوڵەکانی سباستیان کێلی بەڕێوبەری وەرزشی یانەکە و نووری شاهین راهێنەر لە مارکوس چوونەتەپێش.
ئەو رۆژنامەنووسە ئەڵمانییە زانیوشیەتی کە لەو بارەیەوە گفتوگۆش دەستیپێکردووە.
فلۆریان کە زانیارییەکانی بەشێوەیەکی تایبەت پێگەشتووە، ئاشکراشیکردووە دۆرتموند دەیەوێ بەجواستن راشفۆرد بگوازێتەوە. بڕیارەکەش کە دراوە، راستەوخۆ دوای کۆتا شکستیان لە رۆژی هەینی رابردوو بووە کاتێ 2-3 بە بایەر لیڤەرکۆزن دۆڕان.
🚨🆕 Sebastian Kehl and Nuri Sahin are now pushing to sign Marcus #Rashford!
New talks have taken place, with Borussia Dortmund aiming to secure him on loan. The decision to pursue Rashford was made after Friday’s defeat, as exclusively revealed. #BVB
However, AC Milan are also… pic.twitter.com/5kEF0vp7tO
— Florian Plettenberg (@Plettigoal) January 16, 2025
جگە لە یانەکانی میلان و دۆرتمۆند، بارسێلۆناش دوور نەبوو لە دەنگۆیەکان بەتایبەت بابەتی گۆڕینەوەی ئانسو فاتی بە راشفۆرد.
