ئارسیناڵ لەپێناوی گواستنەوەی هێرشبەرێکی بۆندسلیگا دەستی بە گفتوگۆ کردووە
یاریگا –
ئارسیناڵ لەپێناوی گواستنەوەی سێسکۆ هێرشبەری لایپزیگ دەستی بە گفتوگۆ کردووە.
سام سی رۆژنامەنووسی بەریتانی ئاشکرایکردووە، ئارسیناڵ لەگەڵ بێنجامین سێسکۆ هێرشبەری لایپزیگ لەگفتوگۆدایە بۆ ئەوەی ئەو هێرشبەرە بگوازێتەوە ریزەکانی، گەنەرز دەیەوێت بە خواستن سێسکۆ بباتە ریزەکانی و بەندێک هەبێت بۆ ئەوەی هاوینی داهاتوو ئەو یاریزانە بکاتە موڵکی خۆی.
🚨 EXCLUSIVE: Arsenal are in talks with RB Leipzig for Benjamin Sesko.
Told Arsenal want a loan with buy option, Leipzig want money upfront or an obligation.
Understand Arteta has spoken with Sesko on more than one occasion. pic.twitter.com/p2wD86xODO
— Sam C (@SamC_reports) January 16, 2025
میکێل ئارتێتا راهێنەری ئارسیناڵ خۆی پەیوەندی بە سێسکۆ کردووە و هەوڵیداوە ئەو هێرشبەرە سلۆڤینییە رازی بکات پەیوەندی بە یانەکەیانەوە بکات، کە ئەو هێرشبەرە 21 ساڵانە لەم وەرزە 25 یاری بە درێسی لایپزیگ کردووە و 13 گۆڵ و 3 ئەسیستی کردووە.
لایپزیگ ئامادە نییە بە خواستن دەستبەرداری سێسکۆ بێت کە لە بۆرسەی یاریزانان نرخەکەی 50 ملیۆن یۆرۆیە، یانە ئەڵمانییەکە داوای پارەی زیاتر دەکات.
بەهۆی پێکانەکەی گابریێل خیسوس، ئارسیناڵ دەیەوێت هێرشبەرێک بۆ پڕکردنەوەی شوێنی هێرشبەرە بەڕازیلییەکە بگوازێتەوە ریزەکانی، کە ریۆ فێردیناند بەرگریکاری پێشووی مانچێستەر یونایتد دەڵێت :’باشترین چارەسەر بۆ ئارسیناڵ ئەوەیە تا کۆتایی ئەم وەرزە کەریم بێنزێما بە خواستن بگوازێتەوە ریزەکانی’.
