یاریگا –
ئەمڕۆ لە یارییەكی دیكەی قۆناخی شازدەی جامی شای ئیسپانیا ریال مەدرید میوانداری سێلتا ڤیگۆ دەكات.
وا بڕیارە ئەمڕۆ پێنجشەممە كاتژمێر 23:30 بە كاتی كوردستان ریال مەدرید لە یاریگای سانتیاگۆ بێرنابیۆی تایبەت بە خۆی میوانداری سێلتا ڤیگۆ بكات، لە میانی یارییەكانی قۆناخی شازدەی جامی شای ئیسپانیا.
پریڤیوی یاری
ریال مەدریدی بریندار لە یاریی رابردووی بەرامبەر بارسێلۆنا لە یاریی كۆتایی جامی سوپەری ئیسپانیا بە ئەنجامی پێنج گۆڵ بەرامبەر دوو گۆڵ بەرامبەر بارسێلۆنا شكستیهێنا و نازناوەكەی لەبەرژەوەندی ركابەرە هەمیشەییەكەی لەدەستدا.
لە قۆناخی پێشوودا مەدرید بووە میوانی مینێرا و یارییەكەشی بە پێنج گۆڵی بێ وەڵام لێبردەوە و خۆی گەیاندە قۆناخی شازدەی جامی شای ئیسپانیا.
لەم وەرزەدا ریال مەدرید لە 19 یاری لالیگای ئیسپانیا 13 یاریی بردووەتەوە و چوار یاریی یەكسان بووە و دوو یاریش دۆڕاوە.
بە كۆكردنەوەی 43 خاڵ لە ریزبەندی دووەمی لالیگا دێت.
لەبەرامبەردا سێلتا ڤیگۆ یاری رابردووی جامی شای ئیسپانیا لە رایسینگ سانتاندێری بردەوە و خۆی گەیاندە قۆناخی شازدەی پاڵەوانییەتیەكە.
لەم وەرزەی لالیگادا 19 یارییان كردووە، لە حەوت یاریی براوە بوون سێ یاریش یەكسان بوون و نۆ یاریش دۆڕاون.
بە كۆكردنەوەی 24 خاڵ لە ریزبەندی دوازدەی لالیگا دێت.
هەواڵی پێكانی یاریزانەكان
كارلۆ ئانچێلۆتی بۆ ئەو یارییە بە بێ تیبۆ كۆرتوا، دەیڤد ئالابا، دانی كارڤاخال و ئیدێر میلیتاو رووبەرووی سێلتا ڤیگۆ دەبێتەوە.
ڤیگۆ بە بێ ئاسپاس، ئالۆنسۆ و گۆنزالێز رووبەرووی ریال مەدرید دەبێتەوە.
پێکهاتەی پێشبینیکراوی ریال مەدرید
لونین
ڤازكێز، ئەسینسیۆ، رودیگەر، گارسیا
سێبایۆس ، ڤاڵڤێردی
براهیم، بێڵینگهام، ڤینیسیۆس
ئێمباپێ
پێکهاتەی پێشبینیکراوی سێلتا ڤیگۆ
پێکهاتەی پێشبینیکراوی سێلتا ڤیگۆ
ڤیلار
رۆدریگێز، ستارفیلت، دۆمینیگێز
مینگوێزا، سێرڤی، بێڵتران، مۆریبا
بامبا، دوران، ئێگلاسیاس
