یاریگا –
بەرپرسانی بارسێلۆنا دوای هەوڵێکی زۆر بۆچوونی ئاراوخۆ دەگۆڕن.
رۆژنامەی موندۆ دیپۆرتیڤۆ بڵاویکردووەتەوە، بارسێلۆنا بۆچوونی رۆناڵد ئاراوخۆ دەگۆڕێت و یاریزانەکە دەمێنێتەوە، تەنانەت رەنگە بەم زووانە گرێبەستەکەی نوێبکەنەوە.
بەگوێرەی زانیارییەکانی رۆژنامە ئیسپانییەکە تاوەکو دوێنێ سێشەممە بەرگریکارە ئوروگواییەکە لەسەر بیرۆکەی جێهێشتنی بارسێلۆنا سووربووە، بەڵام دیکۆ بەڕێوبەری وەرزشی یانەکە دوای گفتوگۆ و هەوڵێکی زۆر بۆچوونی یاریزانەکەی گۆڕیووە، رازیکردووە تاوەکو هاوین بمێنێتەوە.
🚨 𝐍𝐎𝐓𝐈𝐂𝐈𝐀 𝐌𝐃: explica @ffpolo
💥 Deco convence a Araujo para que se quede
💥 El director deportivo desbloqueó la situación con el defensa anoche e incluso hay posibilidades de que renueve su contrato en breve
🔗 Más información: https://t.co/uKmIOZ8SrD pic.twitter.com/j8udtFhMWd
— Mundo Deportivo (@mundodeportivo) January 15, 2025
موندۆ ئاماژەی بەوەش کردووە، جیا لە دیکۆ، خوان لاپۆرتای سەرۆکی یانەکە و هانزی فلیکی راهێنەر رۆڵێکی گەورەیان لە گۆڕینی بیرۆکەی ئاراوخۆ هەبووە و داوایان لێکردووە لەم کاتە هەستیارە یانەکە جێنەهێڵێت. ئاراوخۆش بە داواکە رازیبووە. ئەو رازیبوونەش رەنگە نوێکردنەوەی گرێبەستەکەی بەدوادابێت.
بەرگریکارە تەمەن 25 ساڵانییەکە لە هاوینی 2026 گرێبەستەکەی بەسەردەچێت، یوڤێنتوس ئۆفەرێکی بە بەهای 50 ملیۆن یۆرۆ بۆ گواستنەوەی ئامادە کردووە.
