یاریگا –
ئەمڕۆ لە یارییەكانی قۆناخی شازدەی جامی شای ئیسپانیا بارسێلۆنا لە یاریگای خۆیدا میوانداری ریال بێتیس دەكات.
وا بڕیارە ئەمڕۆ چوارشەممە كاتژمێر 23:00 بە كاتی كوردستان بارسێلۆنا لە یاریگای مۆنجویک میوانداری ریال بێتیس بكات، لە میانی یارییەكانی قۆناخی شازدەی جامی شای ئیسپانیا.
پڕۆفایلی یاری
بارسێلۆنا لە چەند رۆژی رابردوودا توانی نازناوی جامی سوپەری ئیسپانیا بەدەستبهێنێت دوای ئەوەی لە یاریی كۆتاییدا بە ئەنجامێكی گەورە و بە پێنج گۆڵ بەرامبەر دوو گۆڵ لە ریال مەدریدیان بردەوە.
بارسا لە قۆناخی پێشووی جامی شای ئیسپانیا بە چوار گۆڵی بێ وەڵام لە بارباسترۆیان بردەوە.
لەم وەرزەی لالیگادا بارسێلۆنا 19 یاریی كردووە، لە 12 یاریی براوە بووە، دوو یاریی یەكسان بووە و پێنج یارییش دۆڕاوە.
بە كۆكردنەوەی 38 خاڵ لە ریزبەندی سێیەمی لالیگا دێت.
لە بەرامبەردا ریال بێتیس لە قۆناخی پێشووی جامی شای ئیسپانیا بە گۆڵێكی بێ وەڵام لە هوێسكایان بردەوە.
لەم لالیگاشدا لە 19 یاریی شەش یارییان بردووەتەوە حەوت یاریی یەكسان بوون و شەش یارییش دۆڕاون.
بە كۆكردنەوەی 25 خاڵ لە ریزبەندی دەیەمی لالیگا دێن.
هەواڵی پێكانی یاریزانەكان
بارسێلۆنا بە بێ تێر شتیگن، ئینیگۆ مارتینێز، چێزنی، مارك بێرناڵ و ئاندرێس كریستێنسن یاریی دەكات.
بێتیسیش بۆ ئەو یارییە لە تواناكانی هەریەك لە لۆسێلسۆ، هێكتۆر بێریین و ویلیام كارڤالۆ بێ بەش دەبێت.
پێکهاتەی پێشبینیکراوی بارسێلۆنا
پێنا
فۆرت، كۆبارسی، ئاراوخۆ، بالدێ
دی یۆنگ، ئێریك گارسیا، گاڤی
یامال، لیڤاندۆڤسكی ، فێران تۆرێس
پێکهاتەی پێشبینیکراوی ریال بێتیس
ڤێتیس
سابالی، یۆرێنتی، بارترا، پێراود
ئالتمێرا، كاردۆسۆ، ئیسكۆ
زەلزوولی، ڤیتۆر رۆكی، خێسوس
