ئارسیناڵ لە گواستنەوەی ئەستێرەیەکی ئیسپانی نزیک دەبێتەوە
یاریگا –
ئارسیناڵ نزیکە لەگەڵ ریال سۆسیداد بگاتە رێککەوتن بۆ ئەوەی هاوینی داهاتوو زوبیمێندی بگوازێتەوە ریزەکانی.
سامی مۆکبێل رۆژنامەنووسی بەریتانی لە رۆژنامەی دەیلی مەیل ئاشکرایکردووە، ئارسیناڵ لەگەڵ ریال سۆسیداد لە گفتوگۆیەکانی بۆ گواستنەوەی مارتن زوبیمێندی ناوەڕاستکاری ئیسپانی بەرەو پێشچووە، گەنەرز لە گواستنەوەی ئەو یاریزانە ئیسپانییە نزیکبووەتەوە.
🚨 Arsenal pursuing deal to sign Martin Zumbimendi from Real Sociedad. #AFC working on landing 25yo midfielder next summer for considerable period + reignited long-term pursuit during process of recruiting Mikel Merino @TheAthleticFC after @SamiMokbel81_DM https://t.co/txuwITUVSd
— David Ornstein (@David_Ornstein) January 14, 2025
دەیلی مەیل ئاشکرایکردووە، ئارسیناڵ دەیەوێت هاوینی 2025 نرخی هەڵوەشاندنەوەی گرێبەستی زوبیمێندی بدات کە 60 ملیۆن یۆرۆیە، بۆ ئەوەی بیباتە ژێر دەستی میکێل ئارتیتا و هاوشانی میکێل مێرینۆ یاریی بکات.
زوبیمێندی (25 ساڵان) لە بۆرسەی یاریزانان نرخی 60 ملیۆن یۆرۆیە و تا هاوینی 2027 گرێبەستی لەگەڵ سۆسیداد هەیە، کە لە ئەکادیمیای یانەکەوە پێگەیشتووە و 210 یاری بە درێسی ریال سۆسیداد کردووە، 9 گۆڵ و 9 ئەسیستی کردووە، خاوەنی 15 یاریی نێودەوڵەتییە بە درێسی هەڵبژاردەی ئیسپانیا و گۆڵێکیشی کردووە.
